Ekı exit poll-dyŋ qorytyndysy jariia bolǧannan keiın Q.Toqaevtyŋ qarsylastary ony jeŋısımen qūttyqtady. Olardyŋ barlyǧy sailaudyŋ aşyq, ädıl ötkenın, bilık tarapynan eşqandai kedergıler bolmaǧanyn mälımdedı. Prezidenttıŋ basty qarsylasy bolǧan Ämırjan Qosanov jaŋa Memleket basşysynyŋ balamaly pıkırge qūrmetpen qarap, qoǧammen dialog jürgızuge daiyn ekenın aitty.
«Menıŋ būl sailauda 16,2 paiyz dauys jinaǧanym – būl ülken saiasi jäne psihologiialyq jeŋısım. Būl – 1,5 mln-ǧa juyq adam. Osy körsetkış Parlamentke ötetın partiianyŋ deŋgeiınen ekı esege artyq. Sondyqtan būl mümkındıktı paidalanamyn» dep mälımdedı ol baspasöz jiynynda.
Ämırjan Qosanov sondai-aq özınıŋ sailauda jeŋıp alǧan dauystary üşın zaŋdy jolmen küresetının jetkızdı. «Men Qasym-Jomart Toqaevtyŋ jeŋısın moiyndadym. Būǧan eldıŋ közqarasy qandai bolatynyn sezemın. Nelıkten mūndai qadamǧa bardym? Öitkenı Parlament sailauy ötetın kün jaqyn. Men qarapaiym halyqtyŋ qoldauyn 16,2 paiyzǧa deiın jetkızdım. Būdan ärı bilık menen keiın sailauǧa tüsetın oppozisiianyŋ ümıtkerı nemese partiia körsetkışın 6-9 paiyzǧa deiın tömendete almaidy» dep tüsındırdı öz oiyn ümıtker. Tılşılerdıŋ partiia qūrasyz ba degen saualyna: «Eger joq dep aitsam, ötırık bolar, bıraq ol mäsele köptegen jaǧdailarǧa, sonyŋ ışınde bilıktıŋ sol partiia qūrylady degen közqarasyna bailanysty bolmaq» dep jauap berdı.
