Nūr-Sūltan qalasynda Ūly Otan soǧysynda erlıkpen qaza tapqan, «Şyǧystyŋ qos jūldyzy» atanyp ketken Äliia Moldaǧūlova men Mänşük Mämetovaǧa arnalyp qoiylǧan eskertkış tūr. Ekeuı de Jeŋıs daŋǧylynyŋ boiynda ornalasqan. Ekeuı de köz tartady.
Aitaiyn degenım, ekı eskertkışte de Keŋes Odaǧynyŋ batyry ataǧynyŋ belgısı körsetılgen, onyŋ astynda «ÄLİIа» jäne «MANSHUK» dep jazylǧan. Boldy, basqa mälımet joq.
Tanysymnyŋ äŋgımesınen: «Jaqynda el jaqtan qonaqtar kelıp edı. Bala-şaǧasyn ertıp qalany qydyrtuǧa şyqtyq. Jeŋıs daŋǧylyndaǧy Mänşük eskertkışı janynda aialdap tūrǧanda 8 jastaǧy qyz bala «Mynada ne jazylǧan? Kımnıŋ eskertkışı?» dep taqyldap sūrai jöneldı. Äkesı ekeumız qosylyp Mänşük Mämetova turaly bılgenımızdı aityp jatyrmyz. Bala bärıbır tüsıne qoimady. Sodan bırazdan keiın baryp «Aa, soǧysta batyr bolǧan Mänşük Mämetova ma?!» dep quana aitty. «Nege familiiasyn jazbaǧan?» dep taǧy da qoiyp qaldy. Dosym ekeumız «Şynymen de aty-jönderı nege tolyq jazylmady eken» dep oilanyp qaldyq» dedı tanysym maǧan sūrauly keiıppen.
Äliia eskertkışınde de tura osylai jazylǧan eken. Bala demekşı, şeteldık qonaqtar da būl qai Äliia, būl qai Mänşük dep sūrap qalmasyna kım kepıl? Raqymjan Qoşqarbaev, Bauyrjan Momyşūly sekıldı tolyq nege jazylmady eken dep men de oilanyp jürmın…
