Elorda äkımı Altai Kölgınov jastar ūiymdarynyŋ ökılderımen, erıktılermen kezdestı. Konstitusiia künı qarsaŋynda Elbasy men Prezident atynan jastar ūiymdary men volonterlık qozǧalystardyŋ belsendı ökılderıne alǧys hattar tabys ettı.
Jiynda jastar tūrǧyn üi baǧdarlamasy mäselelerın köterdı. Sonymen qatar ekologiia, volonterlık jobalardy qoldau: türlı taqyryptar men salalar boiynşa tegın kurstardy oqytu, ısın jaŋa bastaǧan käsıpkerlerdı qoldau, sportpen şūǧyldanuǧa bolatyn sport ǧimarattarynyŋ sanyn arttyru jäne basqa da mäseleler ortaǧa salyndy. Osy oraida äkım biyl jūmys ısteitın jastarǧa arnalǧan jalǧa berıletın tūrǧyn üi baǧdarlamasyn jalǧastyratynyn aitty.
Sondai-aq äkım «Elorda jastary» astanalyq baǧdarlamasynyŋ tūjyrymdamasyn äzırleitının jetkızdı. «Bügın jastar ūiymdarynyŋ ökılderımen, erıktılermen kezdesıp, ūsynystaryn tyŋdadyq. Olardyŋ ideialaryn baǧdarlama tūjyrymdamasyna engızemız. Jastar – elımızdıŋ damu draiverı, pandemiia kezınde olar koronaviruspen küresuge zor üles qosty. Arnaiy oqytylǧan erıktıler blokbeketterde kezekşılık atqardy, dezinfeksiia jūmystaryn jürgızdı, därı-därmekter men qorǧanys qūraldaryn tasymaldady. Zeinetkerlerımız ben medisina qyzmetkerlerıne kömek körsetudı jalǧastyryp jatyr. Kelgen är adamnyŋ pıkırın tyŋdau bız üşın maŋyzdy boldy. Jastarymyzdyŋ qalany damytuǧa atsalysyp jatqany quantady. Sūraqtardyŋ basym bölıgı şeşımın tapty, qalǧandary boiynşa taǧy da kezdesuler ötkızemız» dep qorytyndylady kezdesudı qala basşysy.
