Keşe taŋerteŋ elordanyŋ temırjol vokzalynda jüzdegen balanyŋ quanyşyn kördık.
Arys qalasynan 200-ge juyq bala Nūr-Sūltan qalasyna keldı. Olar endı 10 kün boiy bas qalamyzda demalatyn bolady.
Bes vagonnan jüzderı bal-būl janyp, köŋıldenıp tüsıp jatqan balalardy Nūr-Sūltan qalasynyŋ äkımı Altai Kölgınov saltanatty jaǧdaida qarsy aldy.
– Nūr-Sūltan qalasyna qoş keldıŋızder, balalar! Aman-esen jetkenderıŋe quanyştymyz. Endı sızder osynda on kündei demalatyn bolasyŋdar. Elordamyzdyŋ körıktı jerlerın aralap, konserttık-sporttyq şaralarǧa qatysasyzdar. Sızderden keiın özderıŋmen oqityn basqa balalar da keletın bolady. Nūr-Sūltan qalasy Aryspen bırgemız! – dedı elorda äkımı özımen bırge qarsy alu räsımıne kelgen Erjan Maksimdı de tanystyryp.
Arystan kelgen oquşylar «Balalar üiı» men gumanitarlyq kolledjde tūratyn bolady. Balalarmen bız de erıp bardyq. «Balalar üiınıŋ» kottedj üiıne ornalasqan jasöspırımderdıŋ köŋıl-küiıne qarap şyn quanǧandaryn sezındık.
Bır aitarlyǧy, Arystyŋ balalary elorda künı merekesıne arnalǧan şaralardyŋ da kuäsı bolmaq. Iаǧni, elorda toiyndaǧy qyzyqtardy da tamaşalap qaitatyn bolady.
Elorda äkımı Altai Kölgınov apattan zardap şekken Arys qalasynyŋ 500 mektep oquşysyna demalys ūiymdastyru aldyn ala josparlanǧanymen, būl sandy bır myŋǧa deiın jetkızudı oilastyryp jatyrmyz dep aitty. Demek, el jüregıne ainalǧan Nūr-Sūltan qalasyn köretın balalar qatary köbeie bermek.
