Aldaǧy bes jylda Astanada 197 şaqyrym tas joldardy salu josparlanyp otyr. Jol qūrylysynyŋ ışındegı asa maŋyzdy joba – Esıldıŋ sol jaǧalauyn, EKSPO-qalaşyq jäne jaŋa temırjol vokzaly audandaryn bailanystyratyn Ūly Dala köşesı.
Būǧan qosa, Kenesary köşesın Kümısbekov köşesınen bastap Kışı ainalma jolǧa deiın, Beisekov köşesıne deiın, Seifullin köşesın Puşkin köşesıne deiın jäne Asanqaiǧy köşesın Täşenov köşesınen bastap Bögenbai batyr daŋǧylyna deiın ūzartu josparlanǧan. «Osy mäselege keşendı türde qarap otyrǧanymyzdy eskeretın bolsaq, mūndai jospar qaladaǧy kölıkterge qatysty ahualdy tübegeilı özgertedı» deidı Astana qalasy äkımınıŋ bırınşı orynbasary Sergei Horoşun.
Ol Prezidenttık saiabaqty jöndeuge qatysty äkımdıktıŋ jūmys josparlarymen bölıstı. Osydan 15 jyl būryn salynǧan saiabaqtyŋ aumaǧynda qazır belsendı qūrylys jürgızılude. Būl jūmystar soŋǧy ekı-üş jylda aiaqtalady. Osyny eskere otyryp, saiabaqty tolyqtai jöndeuden ötkızu jobasy jasalǧan. Būl – Täuelsızdık saraiy, «Şabyt» muzykalyq akademiiasynyŋ audany. «Bız ädıl, aşyq şeşım qabyldap, jaŋa ideialarǧa nazar audaru maqsatynda baiqau jariialadyq. Ötınışter 2018 jyldyŋ soŋyna deiın qabyldanady. Aldyn ala mälımetter boiynşa, osy baiqauǧa 20-dan asa firmalar ötınış bergen. Baiqaudyŋ qorytyndysy boiynşa, saiabaq tūjyrymdamasynyŋ jeŋımpazyn anyqtaimyz. Odan keiın jobalyq-smetalyq qūjattar daiyndalady. Keler jyldan bastap ıske kırısemız» dep tüsındırdı Sergei Horoşun.
