Astanada ötetın «EKSPO 2017» körmesıne biletterdı onlain-satu bastaldy. Bilet baǧdarlamasy boiynşa ärbır qazaqstandyq körmenı köru mümkındıgıne ie bolady.
Ekspozisiiany Ūly Otan soǧysynyŋ qatysuşylary men mügedekterı, mümkındıgı şekteulı jandar, jetım jäne 6 jasqa deiıngı balalar tegın tamaşalai alady. Al, zeinetkerler, köpbalaly analar, studentter men oquşylarǧa jeŋıldık jasalady.
EKSPO körmesıne 2 millionnan asa qonaq keledı dep kütılude. Qazırgı kezde 89 memleket pen 15 halyqaralyq ūiym osy şaraǧa qatysatyndaryn rastady.
Biletter satylymǧa kezeŋ-kezeŋımen şyǧarylady. Mäselen, 10 mausym men 10 şılde aralyǧynda promokezeŋ ötkızıledı. Būl kezde bilettı barynşa tömen baǧamen satyp aluǧa bolady. Al 10-20 mausymda 50 paiyzdyq, 21-30 mausymda 30 paiyzdyq, 1-10 şıldede 20 paiyzdyq jeŋıldık jasalady.
Sonymen qatar, 10 şılde men 10 tamyz aralyǧynda turoperatorlar men resellerler üşın promokezeŋ ūiymdastyrylady. Üstımızdegı jyldyŋ 1 qyrküiegınde barşa Qazaqstan boiynşa oflain-kassalar aşylady. Ūlttyq merekelerdı ötkızu aiasynda biletterdı köşpelı satu josparlanǧan. Būdan bölek, bilet satuǧa «EKSPO 2017» serıktesterı – «Qazpoşta», «Qazaqstan temir joly», «Air Astana» kompaniialary tartylady.
Biletterdı aldyn ala satu biyldan bastap 2017 jyldyŋ 9 mausymyna deiın jürgızıledı. Bilettı www.tickets.expo2017astana.com saitynan satyp aluǧa bolady.
