Bügın Qazaqstan Respublikasynyŋ memlekettık hatşysy G.Äbdıqalyqovanyŋ töraǧalyǧymen şetelde kadrlar daiarlau jönındegı respublikalyq komissiianyŋ kezektı otyrysy öttı.
Komissiia otyrysyn aşa otyryp, Gülşara Äbdıqalyqova Memleket basşysy N.Ä.Nazarbaev «Qazaqstan jaŋa jahandyq naqty ahualda: ösım, reformalar, damu» atty Joldauynda jaŋa äleumettık saiasat ūsynǧanyn aitty. Elbasy atap ötkendei, «äleumettık saiasattaǧy memlekettıŋ basymdyǧy adam kapitalyn damytuǧa keŋ auqymdy investisiialar boluy tiıs». Būl oraida älemnıŋ üzdık universitetterınde joǧary bılıktı kadrlardy daiarlau maŋyzdy mänge ie boluda.
Memlekettık hatşy stipendiianyŋ ūlttyq ekonomikanyŋ jetekşı salalaryn ekpındı damytu üşın ozyq bılım men täjıribenı belsendı türde transfertteu prosesındegı erekşe rölın atap öttı.
Komissiianyŋ şeşımımen magistraturada jäne doktoranturada oquǧa, älemnıŋ jetekşı ǧylymi jäne öndırıstık ortalyqtaryna taǧylymdamaǧa jıberıletın 375 ümıtkerge stipendiia taǧaiyndaldy.
Sondai-aq, Komissiianyŋ jūmysy şeŋberınde 2016 jylǧa basym mamandyqtar tızbesı bekıtıldı. Mamandyqtardyŋ jaŋa tızımı memlekettık organdardyŋ tapsyrystary boiynşa ǧana jasaqtaldy jäne ekı esege deiın qysqartyldy. Tızbede barlyǧy 161 mamandyq ūsynylǧan, onyŋ 45-ı medisina, 67-ı tehnikalyq, 49-y gumanitarlyq mamandyqtan tūrady.
Otyrysty qorytyndylai otyryp, Qazaqstan Respublikasynyŋ memlekettık hatşysy G.Äbdıqalyqova jaŋa 2016 jyly stipendiiany damytudyŋ jaŋa baǧyttaryn ıske asyruǧa jäne ümıtkerlerdı ırıkteudıŋ sapasyn arttyruǧa qatysty bırqatar tapsyrmalar berdı.
