Keşe Astanada TMD jäne Orta Aziia elderı arasyndaǧy tūŋǧyş ret jahandyq mänge ie halyqaralyq bılım jäne käsıbi daiarlyq tehnologiialary körmesı öz märesıne jettı. «WORLDDIDAC ASTANA 2012» atty körmenı QR Bılım jäne ǧylym ministrlıgı men «Worlddidac» qauymdastyǧy bırlese otyryp ūiymdastyrǧan. Atalmyş körmenı ötkızu turaly memorandumǧa ötken jyldyŋ qyrküiegınde qol jetkızılgen edı.
Körmege älemnıŋ tükpır-tükpırınen 25 eldıŋ 150-den asa kompaniiasy qatysuǧa meilınşe yntaly ekendıgın körsettı. Körmege oqulyqtar jazatyn, oqu ordalaryn qajettı qūrylǧylarmen jabdyqtaityn, aqparattyq tehnologiialardy oilap tabatyn ırı kompaniialar qatysty. Ülken jetıstıkpen ötken körmenıŋ ekskliuzivtı serıktesı aǧylşyndyq «F&E» kompaniiasy boldy. Ol Dubaida ötetın halyqaralyq «GESS» körmesınıŋ ūiymdastyruşysy retınde älemdık arenada asa tanymal.
Bügıngı taŋda elımızde bılım salasyna negızgı basymdyq körsetılıp jatqany belgılı. Soŋǧy jyldary Qazaqstanda zamanaui jäne jaŋa tehnologiialarǧa köp män berıle bastady. Onyŋ bırden-bır dälelı – jyl saiynǧy ondaǧan millionǧa satyp alynatyn oqu qūraldary. Al biyl būl soma ekı milliardtan asyp otyr. Sondyqtan körme eksponattaryna degen qyzyǧuşylyq öte zor boldy.
Körme aiasynda türlı tūsaukeserler, seminarlar, diskussiialar boldy. Ortaq taqyryp – bılım salasyndaǧy sony jaŋalyqtar.
Şynar ÄBILDA
