Astana qalasy ortalyq kommunikasiialar qyzmetınıŋ baspasöz ortalyǧynda Bılım basqarmasy basşysynyŋ orynbasary Marjan Qaiyrbaeva adami kapitaldyŋ sapasyn arttyruda bılım beru jüiesınıŋ ornyn atady.
– Astana qalasynda 326078 oquşyny qamtityn 653 ūiym jūmys ısteidı. Onyŋ 242-sı – memlekettık, 411-ı – jekemenşık bılım ordasy. Bılım beru jüiesınıŋ infraqūrylymyn damytu üş auysymdy jäne bala sany şamadan tys mektepterdıŋ sanyn azaituǧa baǧyttaluda. Bügınde oquşy sany şamadan tys 18 mektep jäne üş auysymdy 8 mektep bar, – dedı M.Qaiyrbaeva.
Üş auysymdy jäne bala sany şamadan tys mektepterdıŋ sanyn azaitu maqsatynda 22750 orynǧa arnalǧan 11 mektep salynuda. Onyŋ 2-euı 1 qyrküiekte paidalanuǧa berılse, qalǧany oqu jylynyŋ ışınde esıgın aşady. 2021 jyly ekı auysymǧa 31412 orynǧa arnalǧan 15 mektep ıske qosyldy. Onyŋ 4-euı memlekettık mektep bolsa, 7-euı jeke investisiia esebınen jäne 4-euı memlekettık-jekemenşık ärıptestık şeŋberınde boi köterdı.
– 2026 jylǧa deiın «Jaily mektep» jobasyn ıske asyru boiynşa üş tetık qarastyryldy. Olar: biudjettık investisiia, memlekettık-jekemenşık ärıptestık aiasynda jäne daiyn ǧimaratty satyp alu räsımı boiynşa jürgızıledı. Biudjettık investisiia aiasynda ekı auysymda 90 myŋ oryndyq oquşyny qamtityn 24 mekteptıŋ qūrylysy közdelgen. Qūrylys, säulet, qala qūrylysy jäne jer qatynastary basqarmasymen bırlesıp, qadamdyq qoljetımdılık qaǧidasy boiynşa jaŋa mektep saluǧa 102 jer telımı qaraldy, – dedı qūzyrly vedomstvo ökılı.
Jaŋa mektepterdı salyp qana qoimai, qoldanystaǧy bılım ordalarynyŋ materialdyq-tehnikalyq bazasyn jaŋartu – maŋyzdy ıs. Biyl 37 bılım beru ūiymyna (15 mektep, 21 balabaqşa, 1 kolledj) kürdelı jäne aǧymdaǧy jöndeu jūmysy jürgızıldı. Bılım sapasyn arttyruda pändık kabinetterdı zamanaui talapqa säikestendıru kerek-aq. Osy baǧytta qala mektepterıne jaŋa modifikasiiadaǧy 51 pändık kabinet (himiia, fizika, biologiia) satyp alyndy.
– Mektepterde oquşylardyŋ qauıpsızdıgın qamtamasyz etu maqsatynda aǧymdaǧy jyly qosymşa beinebaqylau men turniket satyp alyndy. Bügınde barlyq bılım ūiymdary 100 paiyz beinebaqylaumen qamtamasyz etıldı jäne Işkı ıster departamentınıŋ jedel basqaru ortalyǧyna qosyldy. Memleket basşysynyŋ «Oquǧa qūştar mektep» jobasyn ıske asyru aiasynda bılım beru ūiymynyŋ kıtaphana qory körkem ädebietpen tolyqty. Kıtaphanalardyŋ intererın qaita jobalau boiynşa jūmys jalǧasuda. 36 (37,5 paiyz) mektepte kıtaphana qaita jaŋartylyp, oqyrmandarǧa arnalǧan kovorking aimaǧy aşyldy. Bügınde barlyq mektep 100 paiyz oqulyqpen qamtamasyz etıldı, – dedı basqarma basşysynyŋ orynbasary.
İntellektualdy ūlt qalyptastyruda qosymşa bılım beru ortalyqtaryna sūranys joǧary. Jauapty basşy osy baǧyttaǧy jūmystardy baiandady.
– Qalada 11 qosymşa bılım beru ūiymy jūmys ısteidı, olar tek bılım aluşylardyŋ 76,8 paiyzyn ǧana qamtidy. Oquşyny qosymşa bılımmen qamtudy ūlǧaitu maqsatynda osy jyly qadamdyq qoljetımdılık qaǧidaty boiynşa 4500-den astam balany qamtityn 5 qosymşa bılım beru ūiymy öz jūmysyn bastady.
Qyrküiek aiynda «Temırjolşylar» kentınde 1 myŋnan asa balany qamtityn äl-Farabi atyndaǧy Oquşylar saraiynyŋ jäne «Köktal» tūrǧyn üi alabynda 600 balany qamtityn M.Ötemısov atyndaǧy Oquşylar saraiynyŋ filialy aşyldy.
Oquşylardy şyǧarmaşyl, daryndy jeke tūlǧa retınde jetıldıru maqsatynda Şahmat federasiiasymen bırlesıp, qalanyŋ barlyq mektebınde şahmat üiırmesı aşyldy, – dedı ol.
Elordalyq 20 mekteptıŋ bazasynda resurstyq ortalyq pen inkliuziiany qoldau kabinetınıŋ jūmysy ūiymdastyrylyp, jüielendı.
Bılım beru ūiymdarynda 20000-nan astam pedagog jūmys ısteidı. Boljamdy derek boiynşa 2026 jylǧa deiın pedagogtarǧa qajettılık 7120 adamdy qūraidy.
