YouTube – būl qyzmetterdı nemese belgılı bır önımdı jyljytudyŋ eŋ qoljetımdı, tüsınıktı, keleşegı jarqyn joldarynyŋ bırı. Köptegen kompaniialar osyny tüsıngendıkten, özderınıŋ YouTube arnalaryn jasaidy. BJZQ da öz salymşylary, aluşylary jäne qazaqstandyq jinaqtauşy zeinetaqy jüiesıne qyzyǧuşylyq tanytqandardyŋ barlyǧyna da paidaly ärı qajettı närsenı köp bıluge bolatyn, sonymen qatar olardyŋ qarjylyq sauattylyǧyn arttyratyn zamanaui alaŋdy ūsyna otyryp, būl üderısten şet qalmady.
Jazyluşylarǧa yŋǧaily bolu üşın barlyq aqparat qazaq jäne orys tılderınde berıledı.
Beinematerialdar taqyryptyq oinatu tızımderıne bölıngen: jyldar boiynşa jaŋalyqtar men tüsınıktemeler, BJZQ-nyŋ beinenūsqaulyqtary, Zeinet.kz/Pensiia.kz. baǧdarlamalarynyŋ şyǧarylymdary, «Zeinetaqy jüiesı turaly ekeuara äŋgıme» aidary aiasyndaǧy sūhbat.
Sonymen, BJZQ-nyŋ YouTube arnasy jazyluşylarǧa nenı ūsyna alady?
Mūnda Sız zeinetaqy qyzmetterın paidalanu boiynşa qadamdyq beinenūsqaulyqtardy tamaşalap, mysaly, mynadai sūraqtarǧa jauap ala alasyz:
– Öz zeinetaqy jinaqtarynyŋ investory bolu üşın ne ısteu kerek?
– Zeinetaqy jinaqtaryn merzımınen būryn nege jäne qalai aluǧa bolady?
– Bolaşaq zeinetaqyny qalai esepteuge bolady?
– «Jeke kabinettı» qalai paidalanuǧa bolady?
Sondai-aq basqa da köptegen beinekeŋester bar. Olardy zerdelei otyryp, sız BJZQ-nyŋ saitynda nemese ūialy qosymşasyndaǧy kez kelgen funksiiany op-oŋai meŋgeresız.
Paidaly aqparatty jeke epizodtarǧa bölınıp, jaŋadan tüsırılgen egjei-tegjeilı siujetterden de aluǧa bolady. Būl paidalanuşyǧa bır materialdyŋ ışınen qajettı sūraǧyn nemese talqyǧa salynyp otyrǧan taqyrybyn oŋai tabuǧa mümkındık beredı.
Arnadan BJZQ mamandarynyŋ da, şaqyrylǧan sarapşylardyŋ da pıkırlerın körıp, tyŋdauǧa bolady. 31-telearnadan körsetıletın Zeinet.kz/Pensiia.kz baǧdarlamasynyŋ barlyq şyǧarylymdaryn da osy YouTube arnamyzdan taba alasyz.
Qysqa beinematerialdardan basqa, sūhbat formatynda berıletın kürdelı saraptamalyq baǧdarlamalardy da baiyptap, baǧasyn berıp otyrsaŋyz bolady. Jürgızuşıler öz qonaqtaryna tosyn da, ötkır sūraqtaryn qoiyp, jauap retınde syndarly käsıbi pıkır alady. Būl sarapşysymaqtardyŋ qaŋqu äŋgımelerı men syldyr tüsınıkterınen tübegeilı erekşelenedı.
Jalpy, mūnda köptegen aqparat bar jäne ärkım özıne qajettı aqparatty tabady dep ümıttenemız. Bızdıŋ arnaǧa jazylyŋyz, yŋǧaily bolu üşın tömengı jaǧyndaǧy QR kodyn qoldanyp, «laik» basyp, tüsınıkteme berıŋız, sūraŋyz! Bız ärdaiym quana jauap berıp, kömekke keluge daiynbyz!
P.S: Beinejazbany körgen kezıŋızde, aldymen, jariialaǧan künıne nazar audaryŋyz! Öitkenı BJZQ aqparatty ünemı jaŋartyp otyrady. Arnaǧa özektı nūsqa ǧana jüktelıp,eskı beinejazbalar joiylmai, mūraǧatta saqtalyp qalady. Sol sebeptı paidalanuşy 2015 jylǧy beinejazbany körıp, onyŋ eskırgen aqparat ekenın baiqamai qaluy äbden yqtimal.
