BIRLESKEN JŪMYS BEREKELI BOLMAQ
Keşe elordanyŋ ükımettık emes ūiymdary «Qazaqstan» OKZ jinalyp, qaladaǧy azamattyq qoǧamnyŋ jai-küiın talqylady. Ükımettık emes ūiymdardyŋ qalalyq forumyna Astana äkımınıŋ orynbasary Aida Balaeva, QR Parlament Mäjılısınıŋ deputattary, atalǧan salanyŋ ökılderı qatysty. Forumnyŋ moderatory Aida Balaeva «būl jiyn atqarylǧan ıstı pysyqtap, aldaǧy jūmystyŋ josparyn baǧdarlau üşın qajet» ekenın aitty. Sondai-aq qoǧamdaǧy kökeitestı mäselelerdı jäne ony bırlesıp şeşu joldaryn ortaǧa saluǧa mümkındık beretın aşyq sūhbat alaŋy ekenın jetkızdı.
ym qyzmet etedı. Soŋǧy ekı jylda solardyŋ kömegımen memlekettık äleumettık tapsyrys boiynşa jalpy qūny 120 mln teŋgege 50-den astam joba jüzege asyryldy. Būl mälımettı tılge tiek etken Işkı saiasat basqarmasynyŋ bastyǧy Bolat Tılepov atalǧan salanyŋ özekjardy mäselelerıne toqtaldy. Būǧan deiıngı forumdarda aitylyp kelgen «Memlekettık äleumettık satyp alu turaly» zaŋnyŋ kemşın tūstaryn taǧy bır märte eske tüsıruge tura keldı.
– Işkı saiasat basqarmasy – ükımettık emes ūiymdar üşın konkurs jariialaityn bırden-bır organ bolǧandyqtan, qoǧamdyq ūiymdar tarapynan narazylyqqa jiı ūşyraidy. Jiı köterıletın mäsele – äleumettık tapsyrys konkursyna qatysty. Memlekettıŋ qoǧamdyq ūiymdardyŋ jobalaryn qarjylandyryp kele jatqanyna 6 jyldan asty. Nätijesı köz aldymyzda. Äitse de, memlekettık qarjylandyru – sūranys bıldırgen ÜEŪ-nyŋ esep şotyna aqşany audara salu emes. Būl salany retteitın tiıstı zaŋdar men belgılengen tetıkter bar. Özderıŋızge belgılı, jaqynda atalmyş zaŋǧa özgerıs engızıldı. Oǧan tek ūiymdardyŋ ǧana emes, bızdıŋ de kelıspeitın tūstarymyz bar, – dedı B.Tılepov.
Onyŋ aituynşa, bırınşı mäsele konkurstyq proseduralarǧa qatysty. Ekınşıden, keibır ūiymdar qoǧamdyq müddeden görı, özınıŋ jeke müddesın joǧary qoiyp, bastapqy baǧytynan jaŋylyp jatady. Üşınşıden, ūiymdardyŋ taqyryptyq şeŋberı tar bolyp tūr. Naqty jūmys atqaryp otyrǧan ūiymdardyŋ denı genderlık saiasat, salauatty ömır saltyn qalyptastyru, jastar mäselesıne dendep jür. Halyqtyŋ belgılı bır deŋgeide sauatyn aşuǧa auadai qajet bolyp tūrǧan ūiymdar joqtyŋ qasy. Mäselen, jūmyssyzdyq, eŋbek dauyn şeşu, tūrǧyn üi-kommunaldyq salasyndaǧy jaŋaşyldyqty elge egjei-tegjei tüsındıruge qol ūşyn beretın ūiymdar bolsa qūba-qūp. Tüptep kelgende, būl ükımettık emes ūiymdar tarapynan keibır salalar eleusız qalyp otyr degenge saiady. Sondyqtan, olarǧa memlekettık organdarmen bırlese jūmys ısteu qajet-aq.
Forumda azamattyq şyǧarmaşylyqty damytu qajettılıgı de söz boldy. «Nūr Otan» HDP Parlamentarizm institutynyŋ direktory Bolat Baiqadamov azamattyq qoǧamdy qalyptastyryp, damytu tek memlekettıŋ ǧana emes, ükımettık emes ūiymdardyŋ da mındetı ekenın basa aitty. «Ony damytuǧa bilık emes, būqaranyŋ özı müddelı boluy kerek» deidı ol. Al «Qazaqstannyŋ azamattyq aliansynyŋ» bırınşı vise-prezidentı Saltanat Rahymbekova jinalǧandarǧa «Qazaqstannyŋ äleumettık modernizasiiasy arqyly tūrǧyn üi qatynastaryn damytu» taqyrybynda baiandama jasap, ärıptesterın atalǧan salany damytuda belsendılık tanytuǧa şaqyrdy. Būdan bölek, eŋbek adamdarynyŋ äleumettık qoldaudaǧy käsıpodaqtyŋ rölı men ÜEŪ memlekettık organdarmen ärıptestıgın jandandyru turaly aityldy. Forum soŋynda äleumettık jobalar saiysynyŋ jeŋımpazdaryn marapattau saltanaty ötıp, üzdık tanylǧandarǧa ūiymdastyruşylardyŋ syi-siiapaty tabystaldy.
Ainūr ŞOŞAEVA