Astanadaǧy Saryarqa audandyq ardagerlerler keŋesı «Qoǧamdyq kelısım men bırlıktı saqtau jäne ony nyǧaitu» atty döŋgelek üstel mäjılısın ötkızdı.
Şaraǧa tarih ǧylymdarynyŋ doktory, professor Ziiabek Qabyldinov pen Qazaqstan halqy Assambleiasy kafedrasynyŋ oqytuşysy Janar Bekmurzina qatysyp, qoǧamdyq kelısım men ūlttyq bırlık mäselesı jaiynda maǧynaly baiandama jasady. Onda täuelsızdıktıŋ 25 jyldyǧy turaly parasatty oilar örbıttı. Qazaqstan halqy Assambleiasynyŋ atqaryp otyrǧan qyzmetınıŋ jetıstıkterı söz boldy. Elımız bırlık pen dostyqtyŋ arqasynda älemge tanylǧan memleket atanyp, damudyŋ dara jolyna tüskendıgı aityldy.
Odan keiın tyl eŋbekkerı Roza Asylbekova, aqyn Grigorii Şişov, Qazaqstannyŋ eŋbek sıŋırgen mädeniet qairatkerı Ǧaliia Baltabai jäne «Briz» ardagerler ūiymynyŋ töraǧasy İrina Chernyh söz alyp, jiyn taqyrybynyŋ körıgın qyzdyrdy. «Bırlıgı bekem eldıŋ ırgesı berık» degen naqyldy aldyǧa tartty. Ūlttar dostyǧy jaiynda ūnamdy pıkırler aitty.
Bır sözben aitqanda, qariialar jas qūraqtai jelkıldep ösıp kele jatqan jetkınşekterge elımızdegı qoǧamdyq kelısım men bırlık turaly saliqaly sūhbattar örbıtıp, köbırek kezdesuler ötkızu qajet ekendıgın jetkızdı.
Azamat ESENJOL
