Barlyq qazaqstandyqtardyŋ Mındettı äleumettık medisinalyq saqtandyruǧa (MÄMS) qatysyp, äleumettık tölemderdı aluǧa mümkındıgın arttyru üşın Eŋbek jäne halyqty äleumettık qorǧau ministrlıgı özın-özı jūmyspen qamtityn azamattarǧa Bıryŋǧai jiyntyq tölem (BJT) engızudı ūsynuda.
Qūzyrly vedomstvo salyqtyq, äkımşılık-qūqyqtyq şaralar keşenın qarastyratyn zaŋ jobasyn daiyndap, biyl qyrküiek aiynda Mäjılıske ūsynbaq. Būl turaly Ükımet otyrysynda Eŋbek jäne halyqty äleumettık qorǧau ministrınıŋ orynbasary Nūrjan Ältaev habarlady.
Onyŋ paiymdauynşa, bıryŋǧai jiyntyq tölemdı engızu tırkeu jūmystaryn oŋailatuǧa jäne salyq mölşerlemesın jeŋıldetuge jol aşady, MÄMS şeŋberınde medisinalyq qyzmetterdı aluǧa, mındettı äleumettık saqtandyru jüiesınen äleumettık tölemderdı taǧaiyndauǧa mümkındık beredı. Ministrlıktıŋ josparlaǧanyndai, BJT-nyŋ mölşerı qala tūrǧyndary üşın bır ailyq eseptık körsetkıştı, auyl tūrǧyndaryna 0,5 ailyq eseptık körsetkıştı qūraidy. Osylaişa, tüsken aqşanyŋ 10 paiyzy – jeke tabys salyǧyna, 20 paiyzy – memlekettık mındettı äleumettık saqtandyru qoryna, 30 paiyzy – zeinetaqy tölemderıne jäne 40 paiyzy Mındettı äleumettık medisinalyq saqtandyru qoryna audarylady. Eŋbek jäne halyqty äleumettık qorǧau ministrlıgınıŋ boljamy boiynşa, BJT-ny engızu nätijesınde elımızdegı 500 myŋnan asa özın-özı jūmyspen qamtamasyz etuşıler köleŋkeden şyǧady.
