Astanada QR Memlekettık qyzmet ısterı ministrı Talǧat Donaqovtyŋ töraǧalyǧymen bırınşı jarty jyldyqtyŋ qorytyndylaryna arnalǧan keŋeitılgen alqa mäjılısı öttı.
Alqa mäjılısınde aldymen Elbasy Nūrsūltan Nazarbaev jariialaǧan Ūlt josparyndaǧy bırınşı institusionaldyq reformany jüzege asyru jönındegı jūmys qorytyndylary pysyqtaldy.
Elbasynyŋ käsıbi memlekettık apparat qūruǧa bailanysty jüktegen tapsyrmalaryna säikes, biylǧy jyldyŋ basynan bastap memlekettık qyzmet salasy qaita jaŋaryp, jaŋa zaŋ qabyldanǧany belgılı. Būl özgerıster ekonomikalyq reformalardy sapaly ıske asyryp qana qoimai, sybailas jemqorlyqpen küres şaralaryn küşeituge de yqpal etude.
Atap aitqanda, biyl elımızde memlekettık qyzmettıŋ konkurstyq ırıkteuge negızdelgen mansaptyq modelı engızılgen bolatyn. Tek qana memlekettık qyzmetşılerdıŋ arasynda ötkızıletın ışkı konkurstar instituty engızılgelı berı lauazymdarǧa taǧaiyndalǧan qyzmetşılerdıŋ sany ötken jylmen salystyrǧanda 16,4 %-ǧa ösken. Al, memlekettık qyzmetşılerdıŋ türlı mekemeler arasynda almasuy ekı esege tömendegen.
Memlekettık qyzmet ısterı vise-ministrı Nūrlan Ybyraiymnyŋ aituynşa, ministrlık pen aumaqtyq departamentter memlekettık qyzmet körsetu sapasyn arttyru boiynşa jūmystar atqaryp keledı. Qabyldanǧan şaralardyŋ nätijesınde būl jūmystyŋ tiımdılıgı artty. Mäselen, memlekettık qyzmetterdı körsetu merzımderın būzu 4 esege tömendegen.
Sonymen qatar ministrlıktıŋ baqylau uäkılettılıgın jüzege asyru şeŋberınde Memlekettık qyzmet zaŋnamasyn saqtau salasynda 351 tekserıs jürgızılıp, 345 zaŋ būzuşylyq anyqtalǧan. Tekseru nätijelerınde 114 azamattyŋ qūqy qorǧalǧan.
Būǧan qosa, memlekettık qyzmetşılerdıŋ qūqyqtaryn qalpyna keltıru boiynşa şaralar qabyldanǧan. Mäselen, memlekettık mekemelerge zaŋǧa kereǧar qabyldanǧan şeşımderdıŋ küşın joiu üşın 138 ūsynys engızılse, 39 būiryqtyŋ küşı joiylǧan.
Tärtıptık jazaǧa tartylǧan qyzmetşılerdıŋ de sany azaiyp otyr. Byltyr alǧaşqy jartyjyldyqta 163 qyzmetşı tärtıptık jazaǧa tartylsa, biyl Ädep kodeksınıŋ normalaryn būzǧan qyzmetşılerdıŋ sany – 115.
Jiynda memlekettık qyzmetşılerdıŋ käsıbi bılıktılıgın arttyru täjıribesıne de köp köŋıl bölıngenı aityldy. Mäselen, jyl basynan berı 8000-nan astam adam qaita daiarlau men bılıktılıgın arttyru kurstarynan ötken. Jalpy, biyl 20 myŋǧa juyq qyzmetşını oqytu közdelude.
Memleket basşysynyŋ Ūlt josparyndaǧy 100 naqty qadamnyŋ alǧaşqy bölımı memlekettık apparaty käsıbilendıru qajettıgıne nazar audartady. Endeşe, osy qadamdy oryndau maqsatynda atqarylǧan qūqyqtyq standartqa negızdelgen memlekettık qyzmet, käsıbi memlekettık apparat qūrudy közdeidı.
Gülmira ŞARHANQYZY
