Biyl Qazaqstannan 3200 adam ülken qajylyq saparǧa attanady. Olardy qajylyq saparǧa aparumen 18 kompaniia ainalysady.
Qazaqstan mūsylmandary dıni basqarmasy töraǧasynyŋ bırınşı orynbasary, naib müfti Nauryzbai Taǧanūlynyŋ aituynşa, Qazaqstan azamattaryn qajylyqqa aparuǧa ekı äue kompaniiasy bekıtılgen. «Qazaqstandyqtardyŋ qajylyqqa baruyna 18 firma, 2 äue kompaniiasy jauapty. Qajylardyŋ qauıpsızdıgıne jauap beretın 12 adamnan qūralǧan arnaiy missiia qūryldy. Olardyŋ qatarynda naib müftidıŋ jetekşılıgı men Qazaqstan mūsylmandary dıni basqarmasynyŋ 8 ökılı, dın ısterı komitetınıŋ ökılı jäne 3 därıger bar. Firmadan da bır dıni qyzmetker bırge jüredı» dedı müftiiat ökılı.
Elımızde qajylyq paryzyn öteuşılerdıŋ sany jyl saiyn artyp keledı. Atap aitqanda, 1990 jyldan 2019 jylǧa deiıngı 29 jyl aralyǧynda Qazaqstannan 56635 adam qajy atanǧan. «1990 jyly Saud Arabiiasy elımızge 50 qajylyq kvota bölse, būl san jyl saiyn molaiyp, ötken jyly 3000 adam kvota aldy, biyl būl körsetkış 3200 adamǧa jettı» dedı QR Aqparat jäne qoǧamdyq damu ministrlıgı Dın ısterı komitetınıŋ töraǧasy Erjan Nükejanov OKQ-de ötken baspasöz mäslihatynda.
Biyl öŋırler arasynda Türkıstan oblysynan qajylyqqa baruǧa niet bıldıruşıler sany köp. Qazırgı uaqytta respublika boiynşa 530 meşıtte qajylyqtyŋ maqsaty men tärtıbın tüsındıru jūmystary jürıp jatyr.
