Bızdıŋ maqsat – ärıptesterımızdı üiretu
Keşe Astanaǧa arnaiy kelgen reseilık maman elımızdıŋ är aimaǧynan kelgen akuşer-ginekolog mamandarǧa şeberlık därısın ötkızdı. Üzılıstı paidalana otyryp, ǧalymdy az-kem äŋgımege tartqan edık.
Viktor Sturov, Novosıbır memlekettık medisina universitetınıŋ gematolog därıgerı, medisina ǧylymdarynyŋ doktory, professor:
– Viktor Gennadevich, basqosuda qandai taqyryptar talqylandy?
– Akuşerlık jäne ginekologiia salasyn jetıldıru jönındegı halyqaralyq seminar aiasynda ötken şeberlık därısınde köptegen taqyryptar qarastyryldy.
Bügıngı taŋda äielder arasynda kezdesetın auru türlerı beleŋ aluda. Jüktılık kezındegı gestoz
auruy – qazırgı akuşerlık saladaǧy özektı problemanyŋ bırı. Äielderdıŋ jüktılık kezındegı asqynǧan auru türı, ol ana ışındegı närestenıŋ eŋ maŋyzdy organdary men jüike jüiesı qyzmetınıŋ būzyluyna äkeledı. Özderıŋız bılesızder, būryn äielder arasynda jatyrdan qan ketu basty mäsele bolsa, bügınde, kerısınşe, ūiyp qalu jiılep kettı. Būryn täjıribede mūndai auru türlerı jiı kezdespegendıkten, mamandar keide basqa aurumen şatastyryp jatady.
Sondyqtan mūndai aurulardy anyqtaudyŋ diagnostikasyn jetıldıru kerek dep oilaimyn. Anany bala bosanǧannan keiın emes, bala tuǧanǧa deiıngı densaulyǧyn zerdeleu qajettılıgın qolǧa alǧan jön.
– Mūndai aurulardyŋ köbeiuıne ne sebep dep oilaisyz?
– Bırınşıden, qazırgı jastar arasynda gormonaldı preparattardy erte bastan qoldanu köp kezdesedı. Būl öz kezegınde jüktılık kezınde türlı aurulardy tudyrady. Nätijesınde ıştegı balaǧa da kerı äserın tigızedı. Ekınşıden, ekologiialyq jaǧdai dep aitar edım. Äsırese, Qazaqstanda Semei siiaqty ekologiialyq qolaisyzdyq qalyptasqan ortada ana men balada kezdesetın türlı qan aurulary zardabyn tigızıp keledı. Medisina qyzmetkerlerıne arnalǧan şeberlık därısınde akuşerlık saladaǧy diagnostika, profilaktikalyq jūmystar, emdeu ısı jönındegı mäseleler keŋınen talqylandy.
– Qazaqstanda diagnostikalyq zertteu qalai damyǧan?
– Ras, Qazaqstanda medisina qarqyndy damyp keledı. Sebebı, mūnda zamanaui jabdyqtar, joǧary sapada qyzmet körsetetın klinikalar bar. Medisinalyq klaster qalyptasqan dep aituǧa bolady. Tek Astananyŋ özınde qanşama ortalyqtar jūmys ısteidı. Bızdıŋ maqsatymyz – ärıptesterge öz bılgenımızdı üiretu, täjıribemızben bölısu. Mūnda da joǧary sanatty gematolog, gemostaziolog därıgerler bar. Bılıktı mamandar köp bolsa, diagnostika salasy da alǧa qadam basatyny sözsız. Bızdıŋ alǧaşqy qadamymyz da sol, jas akuşer mamandarǧa osy salada kezdesetın auru türlerın anyqtaudyŋ, emdeudıŋ joldaryn körsetu, pıkır almasu. Būl rette ortalyqta ūiymdastyrylyp otyrǧan halyqaralyq seminarlardyŋ bererı mol dep oilaimyn. Astanada osyndai şeberlık därısterı jiı ūiymdastyrylyp tūrsa, ekı el arasyndaǧy medisinalyq ahual odan ärı jaqsaratyny sözsız.
– Äŋgımeŋızge rahmet!
Gülmira AIMAǦANBET