BİZNES ENERGİIаSY – DAMU ENERGİIаSY
Resei pavilonynda Cheliabı oblysynyŋ «Qoljetımdı energiia: infraqūrylymdaǧy innovasiia» atty taqyryptyq aptalyǧy bastaldy. Cheliabı oblysynyŋ gubernatory Boris Dubrovskii Astanaǧa «Biznes energiiasy – damu energiiasy» biznes-forumyna qatysu maqsatynda arnaiy kelıp, qala äkımı Äset İsekeşevpen kezdestı.
– Bügınde Astana reseilık aimaqtarmen sauda, turizm, tıptı, barlyq baǧytta ärıptestıgın damytqysy keledı. Sol sebeptı EKSPO körmesınde Cheliabı oblysynyŋ aptalyǧy, köptegen konferensiialar, döŋgelek üstelder, biznes ökılderımen kezdesuler ötude. Bız sättı kelıssözder jürgızıp, bırlesken jobalarymyz turaly söilestık, – dedı şahar basşysy Ä.İsekeşev.
Kezdesu barysynda ekı aimaq arasyndaǧy qarym-qatynastyŋ basym baǧyttary talqylandy. ŞYŪ men BRÜQO sammitterıne daiyndalu men bırge qalalyq infraqūrylym nysandaryna qatysty mäsele keŋınen söz boldy. Öŋır basşylary Qazaqstan men Reseidıŋ ırı aimaqtarynda aqyldy qala jüiesın engızu jaiyn da talqylady. Maşina qūrylysy salasynda yntymaqtastyq ornatu da söz boldy. Būǧa qosa, aimaqtar arasyndaǧy logistikalyq mümkındıktı ūlǧaitu jaiy aityldy. Astana-Cheliabı äue reisın aşu jäne «Ekaterinburg – Cheliabı» Ural jyldam magistral qūrylysyn mümkındıgınşe Astanany qamtu arqyly jürgızu ūsynyldy.
– Bız Astana men Cheliabınıŋ arasynda mındettı türde jaŋa reis aşamyz. Basynda aptasyna 2-3 reis bolady. Būl ideiamyz biznestıŋ, turistık qarym-qatynastyŋ artuyna jaŋa serpın beredı, – dedı Boris Dubrovskii.
Ekı el yntymaǧyn arttyratyn bırneşe josparly kezdesuden keiın Astana qalasy äkımınıŋ orynbasary Andrei Lukin reseilık delegasiiany elordada qalanyŋ barlyq salalarynda tärtıp qalai ornaitynyn körsetıp, tüsındıru maqsatynda qalalyq Jaǧdaiattar ortalyǧyna bastap bardy. Cheliabı oblysy gubernatorynyŋ orynbasary Ruslan Gattarovpen jäne Ekonomikalyq damu basqarmasynyŋ basşysy Anton Bahaev Jaǧdaiattar ortalyǧynyŋ tolyq jūmysymen tanysty.
– Mūndaǧy beinebaqylau zalyna 3000-ǧa juyq beinekamera qosylǧan. Qala tırşılıgın jıtı baqylaityn mūndai kameralardyŋ sanyn jyl soŋyna deiın 13 myŋǧa deiın jetkızemız dep otyrmyz, – dedı Astana qalasy äkımınıŋ orynbasary.Mūnda 100-ge juyq qyzmetker eŋbek etedı. Būl ortalyqta elordalyq basqarmalar men departamentterdıŋ ökılderı esebınen qūrylǧan arnaiy analitikalyq top türlı jaǧdailarǧa jedel äreket etu jūmystaryn jürgızedı.
Reseiden kelgen qonaqtar, sondai-aq, «109» qalalyq qyzmetınıŋ jūmysymen de tanysty. Qalalyq ūiymdar boiynşa meken-jai, telefon nömırlerı, bailanys qūraldary syndy anyqtamalyq aqparat berıp otyratyn jedel qyzmet körsetu qyzmetıne oŋ baǧasyn berdı. Būl jerge soŋǧy 6 aidyŋ ışınde 39 myŋnan astam azamattyŋ ötınış-sūrauy tırkelıptı. Kez-kelgen qazaqstandyq kömek qajet bolǧan jaǧdaida «109» qysqa nömır boiynşa qoŋyrau şala alady. Al şeteldıkter 8 800 300 3535 telefon nömırı boiynşa habarlasady.
Būl – elordanyŋ şeteldık qonaqtary üşın call-ortalyq. Būl jerde qyzmetkerler qazaq, orys, türık, aǧylşyn, fransuz jäne qytai tılderınde qyzmet körsetedı.Kez-kelgen uaqytta qalanyŋ barlyq salasy boiynşa tötenşe jaǧdailarǧa tez arada äreket etu maqsatynda aşylǧan mäseleler ortalyǧy Astanada EKSPO-2017 Halyqaralyq mamandandyrylǧan körmesın ötkızuge bailanysty qūrylǧan. Körme aiaqtalǧan soŋ da ortalyq öz jūmysyn jalǧastyra beretın bolady.
Güljan Rahman