QR Bas prokuraturasynda «Käsıpkerlık salasyndaǧy prokuratura qadaǧalauy» biznestı qorǧau jönındegı III forum öttı. Forumdy Qazaqstan Respublikasynyŋ Bas prokurory Qairat Qojamjarov jürgızdı.
Keiıngı kezde qūqyq qorǧau qyzmetkerlerı bır közden satyp aluda joǧary ülestı qarpyp qalǧysy keletın tapsyrys beruşılerdı qataŋ qadaǧalauǧa ala bastady. Degenmen biylǧy tekserıs körsetıp otyrǧandai, älı de tauarlar men qyzmettıŋ 80 paiyzy bır közden satyp alynatyndyǧy däleldenıp otyr. Oǧan sebep – kelıp tüsken tapsyrystar eskerılmei, belgılengen konkurstardyŋ negızsız ötkızılmeitındıgı. Mūndai jaǧdai ädeiı ekı-üş qaitalanǧannan keiın, satyp alu eşqandai balamasyz jüzege asyrylady. Söitıp, belgılı bır adamdarmen köterıŋkı baǧaǧa kelısımşart jasalatyny turaly Qazaqstan Respublikasy Bas prokurorynyŋ orynbasary Marat Ahmetjanov baiandady.
«Atalǧan mäselenı Bas prokuratura Ükımettıŋ aldyna qoiyp otyr. Būdan bylai bır közden memlekettık satyp aludyŋ joǧary ülesın iemdengısı keletınder qūqyq qorǧau organdarynyŋ qataŋ baqylauynda bolady» dedı ol. Sondai-aq memlekettık satyp alu salasynda 800-den asa zaŋ būzuşylyq anyqtalyp, 600-den asa jauapty adam türlı deŋgeide jazaǧa tartylypty.
Keiıngı kezde buhgalterlık qūjattarmen jūmys ısteudı oŋtailandyru, atap aitqanda, käsıpkerlerge onyŋ köşırmesımen de qyzmettı jalǧastyruǧa bolatyn mümkındıkter beru jailary da qarastyryluda. Mıne, osyndai qolǧa alynǧan oŋ özgerıster biznestıŋ ışkı mümkındıkterın keŋeitıp, äkımşılık kedergıler men negızsız tekserulerdı joiady ärı elımızdegı käsıpkerlıktıŋ keŋınen örısteuıne jol aşady degen senım mol.
Qazaqstan Respublikasynyŋ Bas prokurory Qairat Qojamjarov köterılıp otyrǧan mäselege bailanysty ötkızılgen talqylaudy qorytyndylai otyryp, biznes salasynda älı de şeşımın tappaǧan bırqatar jaittardyŋ bar ekenıne qatysuşylardyŋ nazarlaryn audardy, olardy joiu üşın bırlesıp, naqty jūmys ısteu qajet ekenın aitty. Sondai-aq qylmystyq jazalardyŋ merzımı azaitylyp, olardyŋ balama türlerı engızılgenın, biznes subektılerın sotqa deiın qamauǧa aluǧa tyiym salu belgılenıp, zalaldy ötegen kezde olardy qylmystyq jauapkerşılıkten bosatu qarastyrylǧanyn da jetkızdı.
