Elordadaǧy Dostyq üiınde «Blogerlık – qoǧamdyq pıkırdı qalyptastyrudyŋ qūraly» degen taqyrypta döŋgelek üstel öttı. Basqosuǧa deputattar, jurnalister, qoǧamdyq jäne etnomädeni bırlestıkterdıŋ ökılderı qatysty.
Elımızde qoǧamdyq pıkırge yqpal ete alatyn jaŋa adamdardyŋ tolqyny paida boldy. Döŋgelek üstelge qatysuşylar mūndai özgerıs uaqyttyŋ talaby ekenıne nazar audardy. Nūr-Sūltan qalasy Işkı saiasat basqarmasynyŋ basşysy Däuren Babamūratov Memleket basşysy Qasym-Jomart Toqaevtyŋ «Jaŋa Qazaqstan» qūru turaly tapsyrmalaryn jüzege asyru barysynda memlekettık saiasat ideologiiasynyŋ negızgı baǧyttaryn tüsındırude bızdıŋ qoǧamǧa jaŋa tūlǧalar qajettıgın aitty.
«Zamanaui aqparattyq tehnologiialardyŋ damyǧan zamanynda halyq arasynda ideologiialyq jūmysty tüsındıru men jürgızudıŋ rölı artty. Qazırgı kezde täjıribe körsetkendei, bügıngı qoǧam dästürlı būqaralyq aqparat qūraldarynan görı äleumettık jelılerdegı aqparattarǧa köbırek senedı» dedı ol.
Basqosuǧa qatysuşylar äleumettık jelıde onlain-kündelık aşu üşın jurnalistık mamandyq aludyŋ qajettılıgı joǧyna nazar audardy. Öitkenı būl keŋıstıktı jastarmen bırge ärtürlı jastaǧy adamdar da oŋai igere bastady. Mūndai tendensiia blogerlerge özderı taratatyn aqparaty üşın tolyq jauapkerşılık jükteitını belgılı.
«Blogerlık degenımız – aqparat taratudyŋ jaŋa formaty. Alaida aqparattty qabyldauda asa saqtyq jasau kerek. Sebebı bır ǧana jeke adamnyŋ oi-pıkırı basqa adamdardyŋ közqarasynan bölek bolatyny anyq. Qandai jaǧdaida bolsyn blogerler özderı taratatyn aqparaty üşın jauap beretının tüsınuı tiıs» degen pıkır aitty PR-mamany Nomma Zarubina.
Döŋgelek üstelge qatysuşylar dostyq etnosaralyq qatynastardy qalyptastyrudaǧy blogerlerdıŋ rölıne airyqşa toqtaldy. Jurnalister klubynyŋ ökılı Adeliia Tuhbatova etnosaralyq qatynastardy jazatyn ärbır jurnalist pen blogerdıŋ negızgı prinsipı tözımdılık boluy qajettıgın atap aitty.
