Astanadaǧy «Redisson» qonaq üiınde «Bolaşaq» baǧdarlamasynyŋ tülekterıne arnalǧan bos jūmys oryndar järmeŋkesı aşyldy. Järmeŋkede «Halyqaralyq baǧdarlamalar ortalyǧy» AQ prezidentı Saiasat Nūrbek jurnalisterdıŋ sūraqtaryna jauap berdı.
– Bügınde qanşa tülek jūmysqa ornalastyryldy?
– Būl järmeŋkege 600-ge juyq tülek qatysuy mümkın. Olardyŋ denı bakalavr baǧdarlamasyn tämamdaǧan. Al, magistraturany bıtırgen mamandardyŋ barlyǧy bügınde jūmyspen tolyq qamtylyp otyr. Sebebı, olarǧa sūranys joǧary. Aita keteiık, bos jūmys oryndary järmeŋkesıne mūnai-gaz jäne energetika salasynyŋ jetekşı kompaniialary qatysuda. Bız ırgelı zertteu jūmystaryn ötkızıp, «Bolaşaq» baǧdarlamasy 20 jyl ışınde elımızge qanşalyqty paida äkelgenın anyqtap körmekpız. Qolǧa alynǧan merzım ışınde onyŋ tiımdılıgı älı bırde-bır ret zerttelgen emes. Sol sebeptı «Bolaşaq» baǧdarlamasy tülekterınıŋ öz elıne nendei materialdyq jäne materialdyq emes paida äkelgenı, şynymen de, ülken jūmys bolmaq. Onyŋ nätijesın qyrküiek aiynda jariialaimyz.
– Osy künge deiın qanşa adam «Bolaşaq» stipendiia-syna ie boldy?
– Jiyrma jyldyŋ ışınde 9532 adam «Bolaşaq» stipendiiasyn aldy. Elımızdıŋ jetekşı salalarynda 5760 tülek eŋbek etude. Baǧdarlama boiynşa tek bai-baǧlandardyŋ ǧana balalary bılım alady degen – bos söz. Bolaşaqtyqtardyŋ 80-90 paiyzy – öŋırlerden, qarapaiym otbasylardan şyqqandar. «Bolaşaq» tülekterınıŋ bärı memlekettık qyzmette degen pıkır de jaŋsaq. Bügınge deiın şetelden bılım alǧan 6 myŋǧa tarta tülektıŋ 11 paiyzy ǧana memlekettık qyzmette. Elu paiyzdan astamy jekemenşık kompaniialarda jūmys ısteidı.
– Qanşa tülek jūmyssyz jür?
– Qazırgı kezde Qazaqstanda jūmysqa ornalaspaǧan 85 tülek bar. Alaida, olar diplomdaryn älı almaǧan. «Bolaşaq» baǧdarlamasy boiynşa şetelde bılım alyp jürıp, oqudy tastap ketken jastar da bar. Osy mäselege qatysty 27 ıs sotqa jıberıldı. Onyŋ 20-sy bızdıŋ paidamyzǧa şeşılse, jeteuı älı qaralyp jatyr. Zaŋ boiynşa ondai azamattar respublikalyq biudjetten oquy men şäkırtaqysyna ketken şyǧyndy öteuı tiıs. Sottyŋ şeşımımen oǧan 10-15 jyl berıledı. Al, kepıldıkte tūrǧan üi-jailar şyǧyndy öteudıŋ eŋ soŋǧy şarasy retınde qarastyrylady. Tülekterdıŋ basym bölıgı Astana jäne Almaty qalalarynda jūmys ıstep jatyr. Bız būl ürdıstı özgertıp, olardy aimaqtarǧa jıberıp otyrudy közdeimız. Bügıngı tülekterdıŋ 60 paiyzy – tehnikalyq mamandar. Demek, olardyŋ eŋbek naryǧy Astana men Almaty emes. Ondai tülekter öŋırlerde jūmys ıstep, elımızdıŋ öndırıstık äleuetın köteruı tiıs. Bızdıŋ endıgı maqsatymyz da – sol. Tehnikalyq bılımı bar «Bolaşaq» tülekterın jinap, öndırıs oşaqtaryna jıberetın bolamyz.
