Mereilı mereke qarsaŋynda Astana qalasy boiynşa Kedendık baqylau departamentı qyzmetkerlerı Ūly Otan soǧysynyŋ ardagerı Düisenov Şūǧai ataǧa qūrmet körsettı. Qarttyŋ bügilgen beline süieu bolu – qazaq halqynyŋ dästür sabaqtastyǧy. «Töriŋnen qart ketpesin!» dep tıleitınımız sondyqtan. El basyna kün tuǧan, qiyn-qystau künderde jūrtyna qamqor bolǧan qarttyŋ bırı – Düisenov Şūǧai. Atanyŋ jasy qazır 90-nan asty. Ol 1941 jyly soǧysqa attanyp, ekı aiaǧynan aiyrylǧan soǧys ardagerı. Qazır 26 nemere men 15 şöberenıŋ ortasynda Qiian äjemen baqytty ömır sürude.
Qarttar künınde Jeŋıstı sättı jaqyndatqan atamyzǧa qūrmet körsetılıp, syilyq berıldı. Kezdesude Şūǧai ata el basyna kün tuǧanda qoldaryna qaru alǧan qazaq jauyngerlerınıŋ ölşeusız erlıkterı turaly äŋgımelep berdı.
Zulfira Spanova,
Astana qalasy boiynşa Kedendık baqylau departamentınıŋ bas mamany
