Bügın Astanada sauda jäne ekonomika salasyndaǧy bos jūmys oryndar järmeŋkesı öttı
Qalalyq äkımdıktıŋ «Astana Jastary» kommunaldyq memlekettık mekemesınıŋ ūiymdastyruymen sauda jäne ekonomika salasyndaǧy bos jūmys oryndar järmeŋkesı öttı.
40-tan asa jūmys beruşı joǧary oqu ornyn bıtırgen tülekterge 120-ǧa juyq vakansiia ūsyndy. Olardyŋ qatarynda ekonomist, esepşı, satuşy, sauda jönındegı menedjer, marketolog syndy qyzmetter bar. Sondai-aq, aspaz, konditer, daiaşylarǧa da sūranys joǧary.
Jūmys beruşınıŋ talaptary köp emes. Mamandyǧy boiynşa diplomy barlardyŋ eŋbek ötılınsız de jūmys tabuǧa mümkındıgı bar. Jūmys beruşılerdıŋ aituynşa, būl jas mamanǧa degen taptyrmas kömek. Olarǧa köbıne ailyǧy jüretın taǧylymdama qarastyrylǧan. Bastysy, synaq merzımınen sürınbei ötse bolǧany.
Būdan bölek elordadaǧy jastar saiasatyn jüzege asyru üşın qūrylǧan «Astana jastary» ortalyǧy keluşılerge tegın qūqyqtyq kömek körsetedı, erıktıler qozǧalysyn jürgızıp, aula klubtary qyzmetın retteidı.
