Adamnyŋ qos büiregı – qandaǧy barlyq qajetsız zattardy süzıp, tazartatyn eŋ qajettı müşe. Al eger aǧzada qandai da bır kädege asatyn ziiansyz sūiyqtyqtar kezdesse, büirektegı talşyqtar olardy saqtap qoiady. Äldeqandai jaǧdaimen adam suǧa şölırkep, qinalǧan sätte büirek älgı saqtap qoiǧan sūiyqtyqtardy şyǧaryp, tırşılıktı ärı qarai jalǧastyruǧa sebep bolady. Büirektı aǧzanyŋ qamqorşysy deitınımız de sondyqtan. Ökınışke qarai, büirektıŋ dertıne ūşyraǧan jandar elımızde barşylyq. Köpşılıgı auruyn elemei jürıp, büiregı äbden ısten şyqqanda därıgerge qaralady eken. Bügınde Astanada büirek dertınıŋ auyr türıne şaldyqqan 242 nauqas tırkelgen.
Düniejüzılık büirek aurularyna qarsy küres künıne bailanysty elordadaǧy №1 qalalyq auruhanada aşyq esık künı öttı. Onda Astana qalasynyŋ bas nefrology Duman Törebekov syrqattyŋ aldyn alu, onyŋ alǧaşqy belgılerı jönınde äŋgıme örbıttı. Al qaladaǧy bılıktı därıger-nefrologtar büiregı auyratyn tūrǧyndardy qabyldap, olarǧa tiıstı aqyl-keŋesterın aitty.
Duman Törebekovtıŋ aituynşa, büirektıŋ dertın alǧaşqy satysynda emdegen jeŋılırek. Al syrqat asqynǧan jaǧdaida eŋbekke jaramsyzdyqqa, tıptı, mügedektıkke deiın äkeluı mümkın. Büirek aurulary jürekke salmaq tüsırıp, 30 paiyzynda infarkt pen insulttıŋ sebebı bolady eken. Sondyqtan jüregı auyratyndar, qan qysymy bar jandar büiregın de teksertıp alǧany abzal.
Bas nefrologtyŋ keltırgen mälımetı boiynşa, bügınde elımızde 3 myŋǧa juyq adam büirek transplantasiiasyna zäru. 3182 emdeluşı jasandy büirekpen jür. Sonyŋ ışınde 243-ı – elordalyqtar. Al Astanada 112 emdeluşı transplantasiiadan keiıngı baqylauda.
Bır eskererlıgı, büirektıŋ auruy bastapqy kezde bılınbeidı eken. Onyŋ alǧaşqy belgılerı: älsızdık, ūiqysyzdyq, tamaqqa täbettıŋ bolmauy. Būǧan eşkım män bere bermeidı. Aurudyŋ asqynyp ketetını de sodan.
Sozylmaly büirek auruyn erte anyqtau üşın qalalyq emhanalarda aqparattyq-tüsındıru jūmystary jürgızılgen. Mūndai jūmystar aldaǧy uaqytta da jalǧasyn tappaq.
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
