Keşe QR Ūlttyq arhivınde Astana qalasynyŋ 20 jyldyǧyna arnalǧan «Eldıŋ törı – elorda» atty qūjattyq körme aşyldy.
Körmede Astana qalasynyŋ qalyptasuyna qatysty qūjattar men suretter qoiylǧan. 1994 jylǧy «Joǧarǧy Keŋestıŋ Qazaqstan Respublikasynyŋ astanasyn auystyru turaly» qaulysynyŋ, Elbasy Nūrsūltan Nazarbaevtyŋ «Aqmola qalasyn Qazaqstan Respublikasynyŋ astanasy etıp jariialau turaly», «Aqmola qalasynyŋ atauyn Astana qalasyna auystyru turaly» Jarlyqtarynyŋ köşırmelerı körermen nazaryna ūsynylǧan. Sonymen qatar, basqa da maŋyzdy qūjattarmen tanysuǧa bolady.
Taǧylymdy ärı tanymdyq körmenıŋ aşylu saltanatynda QR Mädeniet jäne sport ministrlıgınıŋ jauapty hatşysy Quatjan Uäliev, Türkiianyŋ Qazaqstan Respublikasyndaǧy Tötenşe jäne ökılettı elşısı Uianyk Nevzat jäne basqa da qūrmettı meimandar söz söilep, elordamyz Astana jaiynda jyly lebızderın bıldırdı.
Mäjılıs deputaty, «Halyq qaharmany» Baqytjan Ertaev jinalǧan qauymdy aldymen Ait merekesımen qūttyqtap, qiyn kezeŋde jaŋa Astana saluǧa täuekel etken Elbasynyŋ erlıgı jönınde äŋgımelep berdı. «Astana – būl bar qazaqtyŋ elordasy, ūlttyq maqtanyşy, bolaşaqtyŋ qalasy. Būl qalanyŋ tūrǧyndary, bızder, basqalarǧa ülgı boluymyz kerek» dep atap öttı maidanger deputat.
Saltanatty aşylu räsımınen keiın jūrtşylyq körmenı erkın aralap kördı. Şara soŋynda Qazaqstan Respublikasynyŋ Ūlttyq arhivı memlekettık mekemesınıŋ direktory Jankeldı Mahaşov alǧaşqy körermenderge alǧysyn bıldırıp, körmenıŋ bır ai boiy jalǧasatynyn jetkızdı.
Ǧalym QOJABEKOV
