Nūr-Sūltan qalasyndaǧy «Janūia» otbasy institutyn qoldau ortalyǧynda erekşe qajettılıkterı bar balalardy tärbielep otyrǧan analarǧa arnalǧan «biudjettık advokasiia» taqyrybynda praktikalyq trening öttı.
«Ruhani jaŋǧyru» baǧdarlamasy jäne SPİD-pen küres künı aiasynda ötkızılgen ıs-şarany «Baqytty şaŋyraq» qoǧamdyq qory ūiymdastyrdy. Būl ūiym erekşe qajettılıgı bar nemese mümkındıgı şekteulı balalardy tärbielep otyrǧan otbasylarǧa qoldau körsetumen ainalysady.
«Integrity Astana» kommersiialyq emes ūiymynyŋ basşysy, elordanyŋ qoǧamdyq keŋesınıŋ müşesı Janat Nūrǧaliev erekşe balalardy tärbielep otyrǧan analarmen advokasiialyq qyzmet salasyndaǧy öz bılımderımen bölıstı.
– Bız üşın «biudjettık advokasiia» taqyryby öte maŋyzdy. Sebebı keibır advokattardyŋ, äleumettık jäne densaulyq saqtau salalarynda ketken qatelıkterın kördık. Biudjetterdıŋ qalaişa jäne qaşan dūrys paidalanylmaǧanyn bılemız. Biudjettık advokasiia – būl naqty advokasiia salasy emes, qarjylandyru jäne qarjyny baqylau salasy. Sondyqtan bız spiker retınde Janat Nūrǧalievtı taŋdadyq. Ol – ekonomist, osy taqyryptaǧy köptegen jariialanymdardyŋ avtory. Bügıngı tyŋdauşylar – osy joldan ötken mügedek balalardy tärbielep otyrǧan analar, – dep tüsındırdı «Baqytty şaŋyraq» qorynyŋ erıktısı Saltanat Eralieva.
«Biudjettık advokasiia» — būl maqsatty auditoriia üşın ötkızılgen treningter seriiasyndaǧy segızınşı jäne soŋǧy seminar.
Būǧan deiın qor «resurstardyŋ jai-küiı», «äielder qūqyǧy», «emosionaldy intellekt», «otbasylyq qatynastar», «volonterlık» jäne «azamattyq qatysu» taqyryptarynda seminarlar ötkızgen bolatyn.
