ChEMPİON QAŞAN ŞİRAIDY?
Ötken aptanyŋ soŋynda Qazaqstan Premer-ligasynyŋ ekınşı tury öttı. Alǧaşqy ainalymda ūpai joǧaltqan chempiondardyŋ būl joly da älı babyna kelmegenın baiqadyq. Degenmen «Astana» komandasy būl turda bır ūpai enşıledı.
«Astana» men «Ertıs» arasyndaǧy match kezektı turdyŋ ortalyq oiynyna balandy. Elordalyqtar oiyn bastalysymen alǧa ūmtylyp, David Loriia küzetken qaqpanyŋ maŋaiyn toruyldady. Mūndai şabuyldar 14-minutta nätijesın berdı. Djunior Kabanangadan sättı pas alǧan Serıkjan Mujikov esep aşty. Būl gol «Astananyŋ» barlyq turnirler boiynşa soǧylǧan 500-ınşı doby boldy.
Alaŋ ielerı eseptı bırınşı taimda-aq teŋestırıp tastady. Būryştamadan köterılgen dopty Aleksandr Mokinnıŋ qaqpasyna «ertıstık» Evgenii Tkachuk däl baǧyttady. Esep – 1:1. Matchtyŋ qalǧan bölıgınde esep eselenbei, nätije oiynnyŋ soŋyna deiın saqtalyp qaldy.
QPL-dyŋ basqa matchtary da qyzyqty öttı. Chempiondyqtan ümıtker «Qairat» ta būl turda ūpai joǧaltty. Olar kökşetaulyq «Oqjetpespen» teŋ oinady.
Būl turdyŋ jaŋalyǧy «Qaisar» komandasynyŋ turnir kestesınde köş bastauy boldy. Olar «Taraz» komandasymen kezdesıp, ūpaiyn eselei tüstı. Qyzylordalyqtar aldymen gol jıberıp alyp, artynşa teŋestırıp kettı. Al jeŋıstı goldy 72-minutta
Saidi Ntibazonkiza soqty.
Orynbek ÖTEMŪRAT