Keşe qazaqstandyq olimpiada chempiondary men jüldegerlerı, sport ardagerlerı qoldaryna kürek alyp, Astanadaǧy olimpiadalyq «Chempiondar alleiasyna» aǧaş otyrǧyzdy.
Atap aitsaq, alleiada su dobynan Mäskeu Olimpiadasynyŋ chempiony Sergei Kotenko, basketboldan Seul Olimpiadasynyŋ jeŋımpazy Valerii Tihonenko men Atlanta oiyndarynda grek-rim küresınen top jarǧan Iýrii Melnichenko, Sidnei Olimpiadasynda jeŋıl atletika sportynan altyn medal ielengen Olga Şişigina men boksşy Ermahan İbraimov, Miunhen Olimpiadasynda jüzuden jüldeger atanǧan Viktor Aboimov pen Atlanta jäne Sidnei oiyndarynda bokstan jüldeger atanǧan Bolat Jūmadılov öz attary jazylǧan taqtaişa qaldyrdy.
Ataqty boksşy Ermahan İbraimov şyrşa otyrǧyzu üşın Almatydan arnaiy keldı. «Bügın är jylǧy Olimpiada chempiondary bas qosyp, bır marqaiyp qaldyq. Tal egıp, ekologiialyq baǧdarlamany oryndap jatqanyma öte quanyştymyn» dedı ol.
Qazaqstan ūlttyq olimpiadalyq komitetınıŋ resmi ökılı Jıger Äzbergenovtıŋ aituynşa, igı ıs ärı qarai öz jalǧasyn tabady. Bolaşaqta «Chempiondar alleiasyn» keŋeitu de josparlanyp otyr.
– Qazaqstannyŋ ūlttyq olimpiadalyq komitetı jäne Astana qalasy äkımdıgınıŋ «Chempiondar alleiasy» atty bırlesken ekologiialyq bastamasy dästürge ainaldy. Byltyr Rio Olimpiada oiyndarynyŋ chempiondary men jüldegerlerı köşetter otyrǧyzsa, biyl bızdıŋ daŋqty sportşylarymyz qalany kögaldandyruǧa üles qosty. Aǧaş otyrǧyzu arqyly bız elordanyŋ ekologiialyq jüiesın retteuge kömektesemız, sondai-aq sport ardagerlerın jas buynǧa tanystyryp, därıpteimız. «Ǧaşyqtar saiabaǧynda» halyq köptep jüredı, saiabaq astanalyqtar men qala qonaqtarynyŋ süiıktı demalatyn ornyna ainalǧan. Ötıp bara jatqan adam «Būl kımnıŋ aǧaşy?» dep qyzyǧuşylyq tanytatyny anyq. Sondyqtan «Ǧaşyqtar saiabaǧy» beker taŋdalǧan joq, – dedı Qazaqstannyŋ ūlttyq olimpiadalyq komitetı ökılı.
Güldana TALǦATQYZY
