Osy aptada bızdıŋ «Astana arlandary» men «Kuba qabylandary» komandasy «Chempiondar şaiqasynda» qolǧap tüiıstırdı. Jeŋıs qonaqtardyŋ qorjynynda ketse de, jekpe-jek tartysqa toly boldy.
Arlandar men qabylandardyŋ arpalysy ekı künge sozyldy. WSB chempionatynyŋ 2013/2014 jylǧy jeŋımpazdary kezdesudıŋ körıgın qyzdyrdy. Alaida, arlandar alǧaşqy künnen-aq jeŋıstıŋ tızgının kubalyqtarǧa berıp qoidy. Maidandy bastaǧan 49 kelıdegı Mardan Berıkbaev Santiago Amadorany san soqtyryp, 1 ūpai enşılegen edı. Bıraq, qalǧan tört boksşymyz Mardannyŋ jeŋıstı jolyn jalǧai almady. Būl küngı esep 1:4 bolyp tırkeldı.
Janküierler qauym ekınşı künnen ümıt küttı. Ümıt aqtaldy! Aldymen şarşy alaŋǧa köterılgen Miras Jaqypov jeŋıs jolyn aşty. Naǧyz arlanşa aiqasqan Miras olimpiada jäne älem bırınşılıgınıŋ jüldegerı Veitiany aiqyn jeŋdı.
Kelesı salmaqta Roman Şegrinov älem chempiony Alvarez Estradaǧa tegeurındı tötep berse de, tarazy basyn özıne audara almady. Bostandyq aralynan kelgen şymyr jıgıtke şamasy jetpedı.
Al, 69 kelı salmaqtaǧy jekpe-jek osy matchtaǧy eŋ tartysty bäseke bolǧany sözsız. Madiiar Äşkeev älem chempiony ärı olimpiada oiyndarynyŋ jeŋımpazy İglesias Sotolangamen bolǧan şaiqasqa naǧyz namystyŋ naizaǧaiyn körsettı. Qanşa soqqy alyp, bet-auzy qanjosa bolsa da, şegınbei soŋyna deiın qarsylyq tanytty. Aqyry, onyŋ jeŋıske degen jıgerın joǧary baǧalaǧan töreşıler bızdıŋ Madiiardy jeŋımpaz dep tanydy. Zal toly körermen osy sätte qazaqtyŋ qaisar ūlyna oryndarynan tık tūryp, qūrmet körsettı.
81 kelıde synǧa tüsken Hrgoe Sep ekı dürkın älem chempiony, olimpiada jeŋımpazy La Kruzge qarsylyq körsete almady. Bızdıŋ ūlttyq qūramanyŋ maqtanyşy Ädılbek Niiazymbetovtıŋ bairaqty bäsekelerde jolyn kesken kubalyq boksşy būl joly da basym boldy.
Eŋ auyr salmaqtaǧy jekpe-jekte janküierdıŋ delebesın qozdyrdy. Filip Hrgovich qarsylasy Ortegany besınşı raundta nokautqa tüsırdı. Osylaişa, arlandar 3:2 esebımen jeŋıske jettı.
Tüptep aitqanda, «Astana arlandary» jäne «Kuba qabylandary» arasynda ötken joldastyq kezdesu, iaǧni, «Chempiondar şaiqasy» 4:6 esebımen qonaqtardyŋ paidasyna şeşıldı. Eŋ bastysy, qazaq boksşylary älemdegı eŋ myqty komanda sanalatyn kubalyqtarǧa qarsy tegeurındı toitarys berdı.
Ǧalym QOJABEKOV
