Därıgerdıŋ ailyǧy şailyǧyna jete me?
Astana qalasynyŋ Qoǧamdyq keŋes müşelerı elordanyŋ ekı bırdei densaulyq mekemesınde bolyp, ondaǧy qyzmet körsetudıŋ sapasymen tanysty. Sonymen qatar, därıgerlerdıŋ jalaqysy men bılıktı mamandardyŋ tapşylyǧy mäselesı qozǧaldy.
Aldymen sol jaǧalaudyŋ tūrǧyndaryna qyzmet körsetetın №9 emhanaǧa at basyn būrdy.
«Emhana 2015 jyly aşyldy. Barlyq talaptarǧa sai jabdyqtalǧan. Negızınde, 35 myŋ adamǧa qyzmet körsetuımız kerek, alaida qazırgı uaqytta emhanaǧa 71500 adam tırkelgen. Bızde 12 bölım, onyŋ ışınde
diagnostikalyq qyzmet körsetu, hirurgiia, psihologiialyq jäne äleumettık kömek beru,
3 jalpy täjıribelık, 1 pediatr bölımı men kündızgı stasionar jūmys ısteidı» deidı mekemenıŋ bas därıgerı Aigül Jaqsylyqova.
Emhana qyzmetkerlerınıŋ basty mäselesınıŋ bırı – jalaqynyŋ azdyǧy. Bas därıgerdıŋ aituynşa, mekemege tır-
kelgen är adam sanyna biudjetten 897 teŋge bölınedı eken.
«Mūnyŋ 85 paiyzy qyzmetkerlerdıŋ jalaqysyna jūmsalady. Därıgerlerdıŋ ortaşa ailyǧy – 45 myŋ teŋge. Bıraq qoldan kelgenşe jarty stavkadan qosyp berıp, tapşy mamandarǧa üsteme qoiyp, olardyŋ ketıp qalmauy üşın barynşa tyrysamyz» deidı ol.
Belgılı bolǧandai, elorda emhanalarynda normativtık yntalandyru komponentı qarastyrylmaǧan, sol sebeptı olardyŋ jalaqysy aimaqtaǧy därıgerlerdıŋ eŋbekaqylarynan tömen.
Qoǧamdyq keŋes müşesı Marat Mūstafin būl mäselenı respublikalyq deŋgeide köteru kerektıgın aitty. Bas därıgerdıŋ pıkırınşe, qala emhanalaryna bölınetın qarjy kölemı adam basyna 1200 teŋgeden bolsa, mūndai mäsele tuyndamaitynyn alǧa tartty.
Astana qalasynda emhanalardan bölek, «Salauatty Astana» otbasylyq-därıgerlık ambulatoriia jūmys ısteidı. «Ertegı älemı» tūrǧyn üi keşenınde ornalasqan jekemenşık mekeme memlekettık tapsyrysty oryndaidy. Şaǧyn ambulatoriia 9 myŋ tūrǧynǧa laiyqtalǧan, onyŋ 3,5 myŋy – balalar. Därıgerlerdıŋ sany – nebärı 6.
«Mūnda kündızgı stasionar, ekpe salu kabinetı bar. Nauqastardy qabyldaityn terapevt, pediatr, ginekolog jūmys ısteidı. Tūrǧyndarǧa öte yŋǧaily jerde ornalasqan. Būl joba «100 naqty qadam» baǧdarlamasy aiasynda jüzege asty. Mūnda qyzmet tegın körsetıledı» deidı «Salauatty Astana» JŞS direktory Küljan Anasova. Onyŋ aituynşa, memlekettık tapsyrys aiasynda är azamatqa biudjet esebınen 800 teŋgedei bölınedı.
«Onyŋ 48 paiyzy jalaqyǧa jūmsalsa, 27 paiyzy diagnostikalyq tekseruler jürgızu üşın basqa mekemelerge tölenedı. Bır bölıgı mekemenıŋ ai saiynǧy jalǧa alu qūnyna jūmsalady. Şynyn aitqanda, 800 teŋgenı jetkızu qiyn. Tym bolmasa memleketten adam basyna 1500 teŋgeden bölınse, täuır jalaqy töleuge bolatyn edı» deidı Küljan Anasova.
Būl mäselelerdıŋ barlyǧy erteŋ «Tūrǧyndarǧa medisinalyq qyzmet körsetudıŋ jai-küiı jäne elordanyŋ densaulyq saqtau jüiesın damytu» mäselesıne arnalǧan qoǧamdyq tyŋdau otyrysynda keŋınen talqylanatyn boldy.
Gülmira Aimaǧanbet