Därıgerlerge – baspana
Astanada medisina qyzmetkerlerı üşın üş jataqhana salu josparlanyp otyr. Sonymen qatar salalyq därıgerler tūrǧyn üimen qamtamasyz etıledı, dep habarlaidy «Elorda info».
«Astana qalasynyŋ Qoǧamdyq densaulyq saqtau basqarmasy salalyq medisina mamandaryna tūrǧyn üi berudı josparlap otyr. Bız qyzmetkerlerdıŋ tapşylyǧyn azaitu üşın tūrǧyn üi mäselesın, sondai-aq 1500 orynǧa arnalǧan üş jataqhana saludy josparlaudamyz» delıngen basqarma taratqan habarlamada.
Qalalyq emhanalarǧa akuşer-ginekolog, anesteziolog-reanimatolog, nevropatolog, laborant, oftalmolog, otorinolaringolog, kardiolog, endokrinolog, rentgenolog, reanimatolog, pulmonolog jäne taǧy basqa mamandar qajet.
Basqarma basşylarynyŋ sözınşe, medisinalyq qyzmetterdıŋ sapasyn jaqsartudyŋ maŋyzdy joldarynyŋ bırı – kadrlardyŋ tapşylyǧyn azaitu, medisina qyzmetkerlerınıŋ bılıktılıgın arttyru jäne kündelıktı täjıribege halyqaralyq sapa standarttaryn engızu.
Atalǧan mäselelerdı şeşu üşın Astana qalasynyŋ Qoǧamdyq densaulyq saqtau basqarmasy elımızdegı qūzyrettı medisinalyq universitetter men «Bolaşaq» halyqaralyq baǧdarlamalar ortalyǧymen memorandumdarǧa qol qoidy.