«Darts» – daryndylar teatry
29 qyrküiek künı elordanyŋ «Kongress-holl» saraiynda «Bızdı köp närse bırıktıredı» atty qaiyrymdylyq keş öttı.Maqsaty – mümkındıgı şekteulı jandarǧa quanyş syilau.
Iаǧni, jinalǧan qarajat saŋyraulardyŋ «Darts» alǧaşqy käsıbi teatryn aşuǧa jūmsalady. Astana qalasy äkımdıgınıŋ qoldauymen «Jūldyzai» qaiyrymdylyq qory ūiymdastyrǧan konsertte atalmyş teatr akterlerı dene qimyldary arqyly muzyka men horeografiiadan qoiylym körsettı. Aita ketu kerek, jas akterler truppasynda äzırge segız adam bar. Olardyŋ bärı şetterınen önerlı.
– «Darts»-tyŋ daryndy jas akterlerı teatrdyŋ alǧaşqy qoiylymynan üzındı körsettı. Olar än aityp, özderın qoldauǧa kelgen qazaqstandyq estrada jūldyzdarymen bi biledı.
Men talantty jastardyŋ bolaşaǧyna senemın. Olar Qazaqstannyŋ mädeni qauymdastyǧynda ǧana emes, bükıl älemdı taŋ-tamaşa etedı, – deidı teatrdyŋ negızın qalaǧan, rejisser-qoiuşy Baqytjan Täjinov.
Qaiyrymdylyq keşte Medeu Arynbaev, Marjan Arapbaeva, Gülnūr Orazymbetova, Erkın Mäulen jäne taǧy basqa ärtıster ännen tartu jasady. Sonymen qatar, elımızdıŋ tükpır-tükpırınen jinalǧan «Jūldyzai» festivalıne qatysuşylar da önerlerın ortaǧa saldy.
Gülmira AIMAǦAMBET