QR bas memlekettık sanitarlyq därıgerınıŋ qaulysyna säikes 17 tamyzdan bastap elımızde karantin şaralary jeŋıldetılıp, bırqatar käsıpkerlık nysannyŋ jūmysyna qaita rūqsat berıldı. Alaida karantindık şekteuler demalys künderı saqtalatyn boldy.
22 jäne 23 tamyz künderı saqtalatyn şekteuler:
– qoǧamdyq kölık qozǧalysyna;
– 65 jastan asqan adamdardyŋ köşege şyǧuyna;
– sauda, oiyn-sauyq ortalyqtary (ondaǧy azyq-tülık supermarketterı men därıhanalardy qospaǧanda), sauda üilerınıŋ, sauda jelılerınıŋ jūmysyna;
– azyq-tülık emes jäne azyq-tülık jabyq bazarlarynyŋ jūmysyna;
– sūlulyq salondary, şaştarazdar, SPA-ortalyqtary, kosmetologiialyq qyzmet körsetetın nysandardyŋ jūmysyna;
– fitnes-ortalyqtar men sporttyq-sauyqtyru ortalyqtar, qoǧamdyq monşalar, saunalardyŋ jūmysyna;
– balalar men eresekterge arnalǧan bılım beru ortalyqtarynyŋ, tüzetu kabinetterınıŋ jūmysyna;
– aşyq auada attraksiondardyŋ jūmysyna tyiym salynady.
Sondai-aq 17 tamyzdan karantinnıŋ jeŋıldetıluıne qaramastan, bırqatar nysannyŋ qyzmetıne jūmys jäne demalys künderı de rūqsat berılmegen edı. Atap aitqanda:
– barlardyŋ, tüngı jäne oiyn klubtarynyŋ, karaoke, fudkorttardyŋ, kinoteatrlardyŋ jäne balalar men eresekterge arnalǧan basqa da oiyn-sauyq oryndarynyŋ jūmysyna;
– mädeniet nysandarynyŋ, muzeilerdıŋ qyzmetıne, konferensiialar, körmeler, forumdar ötkızuge;
– oiyn-sauyq, sporttyq, otbasylyq, estelık, saltanatty jäne basqa da būqaralyq ıs-şaralardy ötkızuge, sonymen qatar üide ötkızuge;
– basseinder, qalalyq jäne qoǧamdyq jaǧajailar, aşyq akvaparkterdıŋ jūmysyna;
– dıni nysandardyŋ jūmysyna;
– qala maŋyndaǧy jolauşylar poiyzdarynyŋ/elektrichkalardyŋ qozǧalysyna, jūmys poiyzdaryn, qalaaralyq avtobustardy/mikroavtobustardy qospaǧanda, ortaq vagondardy qūruǧa tyiym salynady.
