Elordada bırneşe sport nysanynda jöndeu jūmystary jürgızılude.
«Tolqyn» sport keşenınıŋ şatyry kürdelı jöndeuden öttı. «Astana Arena» stadionynda futbol alaŋdary, kiım auystyratyn bölmeler men kıreberıster jaŋaruda. Sondai-aq «Qazaqstan» sport saraiyn «aqyldy» tehnologiialardy qoldana otyryp modernizasiialau jäne paidalanuǧa beru jobasy jasalyp, qazır arnaiy qūjattary bekıtılude.
Al «Qazanat» ippodromy aumaǧynda ippoterapiia ädısın qoldana otyryp, mügedek balalardy oŋaltu üşın at sporty ortalyǧyn salu jūmystary da qolǧa alynǧan. Nysanda 600 oryn bar. Joba jeke qarjylyq bastama boiynşa memlekettık-jekemenşık serıktestık aiasynda jüzege asyryluda.
Jaqyn arada IAAF halyqaralyq jeŋıl atletika federasiialar qauymdastyǧynyŋ talaptaryna tolyq säikes, jabyq üi-jailarda jeŋıl atletika boiynşa halyqaralyq jäne respublikalyq jarystardy ötkızuge arnalǧan jeŋıl atletika sport keşenı paidalanuǧa berıledı. Būl nysannyŋ aşyluymen elordada sportşylardy halyqaralyq jarystarǧa, sonyŋ ışınde älem chempionattary men jazǧy Olimpiada oiyndaryna daiyndauǧa arnalǧan zamanaui joǧary tehnologiialyq baza paida bolady. Sonymen bırge «İlinka», «Köktal-2», «Öndırıs», «Jeleznodorojnyi» tūrǧyn alaptarynda tört dene şynyqtyru-sauyqtyru keşenderı salynuda.
