Keşe QR Sport jäne dene şynyqtyru agenttıgınıŋ alqa mäjılısınde 2013 jyldyŋ qorytyndysy boiynşa mänerlep syrǧanaudan Sochi Olimpiadasynyŋ qola jüldegerı Denis Tenge «Jyl sportşysy» ataǧy berıldı.
Sportşyny QR Ükımet basşysynyŋ orynbasary Gülşara Äbdıqalyqova marapattap, baǧaly syilyq pen alǧys hat tapsyrdy.
Denis byltyrǧy jyldyŋ aqpanynda Kanadanyŋ London qalasynda ötken älem bırınşılıgınde jūrtşylyqty öz önerımen täntı etıp, kümıs jüldege qol jetkızgen edı. Sondai-aq, ol soŋǧy aq oiyndarda mänerlep syrǧanaudyŋ jekelei synynda qysqa jäne erkın baǧdarlamalardyŋ nätijesınde 255.10 ūpai jinap, üzdık üştıkten oryn alǧan bolatyn. Sonyŋ nätijesınde, Qazaqstan olimpiadaşylary jalpy komandalyq esepte 26 orynǧa tūraqtady.
