Bügın Astana qalasynda qazaqstandyq mänerlep syrǧanauşy Denis Tenge arnalǧan D10 WORLD (Di Ten Uorld) körmesı öz jūmysyn bastady.
Körmenıŋ aşyluyna Denis Tennıŋ otbasy müşelerı, onyŋ dostary, ärıptesterı, belgılı qazaqstandyq sportşylar qatysty.
Körme ornalasqan «MEGA Silk Way sauda, oiyn-sauyq ortalyǧynyŋ ekınşı qabatyndaǧy, jalpy audany 400 şarşy metrden asatyn aumaqta avtorlyq fotojūmystar, Denistıŋ muzykasy jäne Olimpiada chempionyna tiesılı zattardan qūralǧan «Mūz aidyny älemı» qarsy alady. Sonymen qatar körmede sportşyny atauly ıs-şaralarda tüsırgen türlı avtorlardyŋ suretterı jäne ärıptesterı men dostarynyŋ beine jobasy ūsynylǧan».
Būl şara sportşynyŋ jaqyndary men tuystary qūrǧan «Denis Ten Qory» bastamasy boiynşa ūiymdastyryldy.
Onyŋ maqsaty – Denis Ten atyndaǧy sporttyq-bılım beru baǧdarlamasyn ūiymdastyra otyryp, Qazaqstannyŋ mänerlep syrǧanau önerınıŋ, äsırese, balalar men jastardyŋ arasynda damuyna ülken üles qosu bolyp tabylady.
Sonymen qatar Qordyŋ jūmysy daryndy jastardy qoldauǧa, mädeni, bılım beru, sporttyq jäne äleumettık jobalardy damytuǧa baǧyttalatyn bolady.
