Astana qalasy mäslihatynyŋ äleumettık-mädeni damu mäselelerı jönındegı tūraqty komissiiasy elordadaǧy salauatty ömır saltyn qalyptastyruǧa bailanysty atqarylyp jatqan şaralardy talqylady. Būl jönınde Densaulyq saqtau basqarmasy basşysynyŋ orynbasary Säule Nūraşeva baiandama jasady.
– Biylǧy jylǧa arnalǧan salauatty ömır saltyn qalyptastyru jäne aurulardyŋ aldyn alu jönındegı ıs-şaralar josparyna sai, jūmystar 29 baǧyt boiynşa jürgızılıp keledı. Olardyŋ ışınde onkologiialyq aurulardyŋ, tuberkulezdıŋ, astmanyŋ, qan qysymynyŋ, basqa da adam ömırıne qauıptı syrqattardyŋ aldyn aluǧa baǧyttalǧan şaralar jetkılıktı, – deidı Säule Quanyşqaliqyzy.
Bıraq memleket tarapynan jūrtşylyqtyŋ densaulyǧyn qorǧauǧa bailanysty qolǧa alynǧan mūndai şarualarǧa qaramastan, tūrǧyndar tegın medisinalyq tekserıluge onşa qūlyqty emes. «Auyryp em ızdegenşe, auyrmaudyŋ jolyn ızde» degen qaǧidat ärbır azamattyŋ qaperınde jüruge tiıs. Öitkenı densaulyqtyŋ kıltı aldymen adamnyŋ özıne, jürıs-tūrysyna, tamaqtanu jaǧdaiyna bailanysty. Alaida jūmysbasty jūrttyŋ köbı salauatty ömır saltyn ūstanudy, därıgerge der kezınde körınudı qajet dep sanai bermeidı. Būl mäselege ūiymdar men öndırıs oryndary da män bere bermeitını ökınıştı» deidı basqarma basşysynyŋ orynbasary.
Köpşılıktı salauatty ömır saltyna bauludyŋ töte jolyn ızdestırgen Densaulyq saqtau basqarmasy
«Salauatty ömır saltyn qalyptastyru ortalyǧy» JŞS-men bırlesıp, halyqty aqparattandyrudyŋ bırneşe zamanaui ädısın ūsynyp otyr. Onyŋ bırınşısı – salauatty ömır saltyn ūstanuǧa jäne skriningtık tekseruden ötuge şaqyrǧan aqparattardy köpşılıkke SMS-habarlama arqyly taratu.
Ekınşı, qoǧamdyq oryndarda densaulyq düŋgırşekterın aşu qajet. Būl – damyǧan memleketterde bar täjıribe.
Osy düŋgırşekterde adam kündelıktı qysymyn, dene qyzuyn, salmaǧyn, boiyn ölşep qana qoimai, densaulyǧynda qandai da bır kınärat bolsa, tiıstı mekemege joldama da ala alady. Osy jobany jüzege asyrudaǧy qarjy şyǧynyn oŋtailandyru üşın mamandar düŋgırşekterdı elektrondyq nūsqada aşudy ūsynyp otyr.
Üşınşı, aurulardyŋ aldyn aluǧa, densaulyqty saqtauǧa qatysty bılgır därıgerlerdıŋ aqyl-keŋesın jūrtşylyqqa jetkızu üşın telearnalardan baiypty baǧdarlama aşu jäne osy taqyrypta äleumettık beinejazbalar äzırlep, telekörermenge ūsynu.
Mäslihattaǧy äleumettık-mädeni damu mäselelerı jönındegı tūraqty komissiianyŋ töraǧasy, deputat Mäjit Şaidarov tūrǧyn üilerdegı päter ielerı kooperativterımen, aula klubtarymen tyǧyz bailanys ornatyp, balalardy jastaiynan densaulyǧyna jauapkerşılıkpen qarauǧa üiretu mäselesıne köŋıl bölu kerektıgıne toqtaldy. Al deputat, №17 mektep-gimnaziiasynyŋ direktory Ramziia Ömırbaeva «Salauatty ömır saltyn qalyptastyru ortalyǧy» mamandary mekteppen dūrys bailanys ornatpaǧanyn synǧa aldy. Deputattyŋ aituynşa, balalaryn qaladaǧy sport keşenderıne jattyǧuǧa aparuǧa kez kelgen ata-ananyŋ qaltasy kötermeidı. Sondyqtan sporttyŋ türlerın
mektepterde damytqan jön.
Jiynǧa qatysuşylar salauatty ömır saltyn qalyptastyruǧa bailanysty şaralardy ötkızudı tek Densaulyq saqtau basqarmasyna ǧana jüktep qoimai, basqa memlekettık mekemeler de oǧan atsalysu kerektıgın eske saldy.
Qymbat TOQTAMŪRAT
