Qazaqstandyq softverlik kompaniialar qauymdastyǧynyŋ «Ädebiet-Olympic» şyǧarmaşylyq jobalary aiasynda bır aidan astam uaqyt boiy ötken jas aqyndardyŋ «Menıŋ dosym» atty halyqaralyq poeziia baiqauy öz märesıne jettı.
Dostyq sezımıne arnalyp jäne onlain rejimde ötuımen erekşelengen jyr dodasyna elımızdıŋ barlyq aimaǧynan, Özbekstannan, Qytaidan, Moŋǧoliiadan, Reseiden hat joldaǧan 84 avtordan 140-qa juyq öleŋ tüstı. Avtorlardyŋ jasy 10 jastan 55 jasqa deiıngı aralyqty qūrady.
Poeziia baiqauy öz üdesınen şyqty. Dostyq üşın dep qalam terbegen jas aqyndardyŋ taqyrypty jan-jaqty jyrlauy, şynaiy sezımge qūrylǧan, dostyq ruhyn asqaqtatqan öleŋderdıŋ biık te näzıktıgı, dos ūǧymynyŋ tereŋ män-maǧynasyn jetık sezınulerı qazaq qoǧamyndaǧy ruhani-estetikalyq jäne moraldyq tärbienıŋ jaŋa deŋgeige köterılgenınıŋ körınısı bolsa kerek.
Baiqauǧa kelıp tüsken barlyq şyǧarmalar «Dostar jyrlaidy» degen atpen jinaq bolyp jaryq köredı.
Dostyq taqyrybyndaǧy müşäirada dostar arasyna jık tüspeuı üşın top jarǧan 9 öleŋ jäne üzdık 25 öleŋ ırıkteldı. Top jarǧan toǧyz öleŋ avtorlary: Aslan Tılegenov, Jaqsylyq Qazymūratūly, Aian Örıbaev, Qairat Seiıtqazin, Baltabek Nūrǧaliev, Şerhan Talap, Aibol İslamǧaliev, Nūrtas Tūrǧanbekūly, Aqgül Tūrsynbai.
Ashat RAIQŪL
