Elordalyq käsıpkerlerden biznestıŋ äleumettık jauapkerşılıgı jönındegı «Paryz» baiqauyna qatysuǧa ötınımder qabyldau bastaldy. Osy tūrǧyda Astana qalasynyŋ Jūmyspen qamtu jäne äleumettık baǧdarlamalar basqarmasy basşysynyŋ orynbasary Olga Demuşkannan biylǧy baiqau erejelerındegı özgerıster turaly sūrap bılgen edık.
– Jyl saiyn dästürlı ötkızılıp kele jatqan «Paryz» konkursy turaly aityp berseŋız?
– Būl baiqau aldymen biznestıŋ korporativtık äleumettık jauapkerşılıgın qalyptastyruǧa baǧyttalǧan. Jeke käsıpkerlık subektılerınıŋ äleumettık mäselelerdı şeşuıne nazar audaru, osy saladaǧy oŋ täjıribenı körsetu jäne keŋınen taratu – baiqaudyŋ basty maqsaty bolyp tabylady. «Paryz» baiqauy 2008 jyldan berı aimaqtyq jäne respublikalyq deŋgeilerde jyl saiyn ötkızılıp keledı.
-Biylǧy baiqau erejelerınde qandai özgerıster bar?
-Baiqauǧa qatysuǧa ötınımderdı qabyldau 1 tamyzǧa deiın ǧana jalǧasady. Osyǧan deiın jeltoqsanǧa deiın qabyldanyp kelgen bolatyn. Sodan keiın kelıp tüsken mälımetterdıŋ şynaiylyǧy tekserılıp, ümıtkerlerdı saraptau kezeŋı bastalady. Al jeltoqsanda baiqau qorytyndysy şyǧarylyp, jeŋımpazdardy marapattau räsımı ūiymdastyrylady.
-Baiqauǧa kımder qatysyp, jeŋımpazdar qalai anyqtalady?
-Ekı sanat boiynşa – şaǧyn jäne orta käsıpkerlık, sondai-aq ırı käsıpkerlık subektılerı baiqauǧa qatysa alady. Al, üzdıkter tört atalym boiynşa anyqtalady. Iаǧni, «Üzdık äleumettık jauapty käsıporyn», «Üzdık ūjymdyq şart», «Ekologiiaǧa qosqan ülesı üşın» jäne «Eŋbektı qorǧau salasyndaǧy üzdık käsıporyn» marapattalady.
– Ümıtkerlerge qandai talap qoiylady?
– Eŋ basty talap: jeke käsıpkerlık subektısınıŋ äl-auqatyn jaqsartuǧa baǧyttalǧan äleumettık baǧdarlamalar türındegı özderınıŋ korporativtık äleumettık jauapkerşılıgınıŋ eŋ üzdık ülgılerın jariia etu kerek. Sonymen qatar, Qazaqstan aumaǧynda qaiyrymdylyq jäne äleumettık qyzmetpen ainalysuy şart. Ūiymnyŋ jūmyskerlerı aldynda eşqandai qaryzy bolmauy tiıs jäne būryn-soŋdy ūjymdyq eŋbek daulary tırkelmeuı qajet.
Konkurs jönınde tolyq aqparatty 21-29-88 (Astana qalasynyŋ Jūmyspen qamtu jäne äleumettık baǧdarlamalar basqarmasy), 55-54-80 (Astana qalasynyŋ Eŋbek inspeksiiasy jönındegı basqarmasy) jäne 22-65-95 (Astana qalasynyŋ Ekologiia departamentı) telefondary arqyly aluǧa bolady.
Aigül UAISOVA
