EKSPO-2017 körmesı barysynda Maik Taison, Gennadii Golovkin jäne t.b. tanymal bylǧary qolǧap şeberlerınıŋ qatysuymen käsıbi boks keşterı, sondai-aq World Boxing Council mereitoilyq 55-şı konvensiiasy ūiymdastyrylady.
Atalǧan şaralar Astana qalasynyŋ äkımdıgı, «Astana EKSPO-2017» ŪK» AQ, «Qazaqstan respublikasynyŋ boks federasiiasy» qoǧamdyq bırlestıgı, World Boxing Council jäne «Diamond Ring Promotions» JŞS arasynda qol qoiylǧan käsıbi boks salasyndaǧy yntymaqtastyq turaly bes jaqty memorandum aiasynda ötkızılmek.
– EKSPO-2017 – Qazaqstan astanasynda ötkızıletın öte küştı älemdık oqiǧa. Körme şeŋberınde köptegen ırı ıs-şaralar daiyndalyp jatyr, onyŋ ışınde halyqaralyq älemdık pışınde ötetınderı de bar. Atalǧan memorandum EKSPO-2017 daiyndalyp jatqan ıs-şaralar keşenınde özınıŋ erekşe ornyn alady dep sanaimyn» – dep atap öttı Astana qalasy äkımınıŋ orynbasary Ermek Amanşaev.
World Boxing Council mereitoilyq Konvensiiasyna älemnıŋ 165 elınen delegattar qatysady.
Eske salaiyq, halyqaralyq mamandandyrylǧan körme Astana qalasynda 2017 jylǧy 10 mausymnan 10 qyrküiek aralyǧynda ötedı.
astana.gov.kz
