EKSPO NYSANDARYN ARALADY
Mäjılıs töraǧasy Nūrlan Nyǧmatulin men bırqatar deputattar «Astana EKSPO-2017» aumaǧynda jürgızılıp jatqan qūrylys nysandarymen tanysty jäne halyqaralyq körmege daiyndyq mäselesıne arnalǧan keŋeske qatysty.
Mäjılıs töraǧasy «Astana EKSPO-2017» körmesı aiasynda auqymdy jūmystar atqarylǧanyna toqtala kele, taiau uaqytta Astana energiia ünemdeu men balamaly energiia közderın paidalanuda älemdık üzdık tehnologiialar üşın ortalyq alaŋǧa ainalatynyn, körmege daiyndyq aiasynda deputattyq korpus ta eleulı üles qosqanyn, atap aitqanda, halyqaralyq körmeler turaly konvensiia ratifikasiialanǧanyn, EKSPO-2017 halyqaralyq mamandandyrylǧan körme mäselelerı jönınde zaŋ qabyldanǧanyn atap öttı.
«Qazaqstan Prezidentı Nūrsūltan Nazarbaevtyŋ halyqaralyq joǧary bedelınıŋ arqasynda elımız osy bıregei şarany ötkızu qūqyǧyna ie boldy» dep eske salyp öttı N.Nyǧmatulin. «EKSPO-2017» nysandaryn aralau barysynda Mäjılıs spikerı halyqaralyq körmege bilet satyp aldy. Osy oraida Mäjılıs töraǧasy bügınde körme jahandyq ūlttyq joba märtebesıne ie bolyp otyrǧandyǧyn atap aitty.
«Astana EKSPO-2017» ūlttyq kompaniiasynyŋ ökılderı qūrylys barysy jaiynda tyŋǧylyqty mälımet berıp, aldaǧy uaqytta atqarylatyn şaralar jaiynda baiandap berdı.