EL İGILIGINE AINALADY
Keşe Astanada Memleket basşysy Nūrsūltan Nazarbaev «Astana EKSPO-2017» arhitekturalyq jobasynyŋ tūjyrymdamasymen tanysty. Būl turaly QR Prezidentınıŋ resmi saitynda jariialandy.
Körmenıŋ eŋ üzdık jobasyna arnalǧan konkurstyŋ jeŋımpazy «Adrian Smith+Gordon Gill Architecture LLP» kompaniiasynyŋ Aqordada ötkızgen tanystyrylymy barysynda Memleket basşysy «EKSPO-2017» Astanada būryn-soŋdy ötpegen ırı ıs-şaraǧa ainalatynyn atap öttı. – Būl keşen qala kelbetın tübegeilı özgertedı. Men konkursqa qatysuşylardyŋ «EKSPO-2017» negızgı ǧimaratyna ūsynǧan 50 jobasynyŋ barlyǧymen tanysyp şyqtym. Sodan keiın olardyŋ arasynan üzdık 10 joba ırıkteldı, onyŋ ışınde «Adrian Smith+Gordon Gill Architecture LLP» nūsqasyn taŋdau jönınde şeşım qabyldandy. Būl kompaniianyŋ tek qūrylys qana emes, «jasyl ekonomika» salasynda da mol täjıribesı bary eskerıldı, – dedı Qazaqstan Prezidentı.
Nūrsūltan Nazarbaev jeŋımpaz kompaniianyŋ jobasy «jasyl» energetika salasynda ülgı bolatynyn jäne aldaǧy qūrylystyŋ osy täjıribege negızdeletın aita kele, «EKSPO-2017» körmesınıŋ barlyq orynjaiy körmenı ötkızgennen keiın halyqtyŋ igılıgıne paidalanuǧa tiıs ekenıne taǧy da nazar audardy.
– Bız Nazarbaev Universitetı jaǧynan üstı tolyqtai jabyq, ūzyndyǧy 500 metr köşe salu turaly uaǧdalasudamyz. Adamdar onda qysta da, jazda da emın-erkın seruendeitın bolady. Ǧimarattyŋ bırınşı qabatynda sauda keşenderı, qalǧan üş qabatynda qonaq üiler, säulettı üi-jailar men keŋseler bolady. Men üstı jabyq qala turaly būǧan deiın de aitqanmyn, sol oiym endı jüzege asuda. Būǧan qosa onda ötetın türlı ıs-şaralardy üş myŋnan astam adam tamaşalai alatyn, körermenderge arnalǧan aumaǧy ülken aşyq alaŋdar, sondai-aq, üş myŋ adamǧa laiyqtalǧan Kongress-holl bolady. Osynyŋ bärı Astana men Qazaqstan tūrǧyndarynyŋ igılıgıne ainalady, – dedı Nūrsūltan Nazarbaev.
Öz kezegınde «Adrian Smith+Gordon Gill Architecture LLP» arhitekturalyq kompaniiasynyŋ qūryltaişysy E.Smit «EKSPO-2017» keşenı üşın balamaly energiianyŋ negızgı közı kün energiiasy ekenın habarlady.
– Bızdıŋ jobamyzǧa säikes, ǧimarattyŋ dizainy, onyŋ konturlary, energiia ünemdeitın materialdar men panelder esebınen energiianyŋ 48%-y ünemdeledı. Şyn mänınde, būl ǧimarat energetikalyq jaǧynan tolyǧymen tiımdı bolady. Jalpy, bız üşın būl – erekşe joba, öitkenı, kompaniiamyzdyŋ filosofiiasy soǧan negızdelgen. Bız energiiany özı öndıretın, energiialyq jaǧynan tiımdı jäne energiialyq tūrǧyda ornyqty ǧimarat tūrǧyzǧymyz keledı, būl energiia közderınen tasymaldauda elektr şyǧynyn boldyrmaidy, – dedı E.Smit.
Kompaniianyŋ qūryltaişysy sfera türınde jobalanǧan negızgı ǧimarat «Astana EKSPO-2017» keşenındegı eŋ basty ǧimaratqa ainalatynyn jäne oǧan eŋ ozyq tehnologiialar men materialdar paidalanylatynyn atap öttı.
– Sfera qūrylysynda ǧimaratty syrtqy temperatura men dybystan qorǧaityn qos qabatty, joǧary tehnologiialyq berık äinek qoldanylady. Mūndai tehnologiia Seuldegı federativtık ǧimaratty jobalau kezınde qoldanyldy. Bız ıs jüzınde jobadaǧydan da ädemı ärı jaqsyraq boluy üşın ūsaq bölşekterıne deiın köŋıl böletın bolamyz. Būl keşen «jasyl tehnologiialardy» paidalanuǧa negızdelgen ülgılı jobaǧa ainalady dep oilaimyz, – dedı E.Smit.
Qorşaǧan orta jäne su resurstary ministrı Nūrlan Qapparov E.Smittıŋ būl salada 45 jyldan astam uaqyt jūmys ısteitının aitty. Osy uaqyt ışınde ol älemdegı eŋ biık 12 ǧimarattyŋ beseuınıŋ, sonyŋ ışınde BAÄ-gı «Burdj Halifa» jäne Saud Arabiiasyndaǧy «Kingdom Tauers» jobalaryn jasaǧan.
Soŋynda Memleket basşysy körme nysandary qūrylysynyŋ merzımı men sapasyna baqylau jasaityn injiniringtık kompaniia qazırdıŋ özınde taŋdap alynǧanyna toqtaldy.
– Jobanyŋ ūsynylǧan tūjyrymdamasyn jalpy maqūldauǧa bolady. Taŋdap alynǧan sferany Astana qalasynyŋ bas josparymen üilestıru qajet. 2017 jylǧa deiın az uaqyt qaldy, endı jūmysty bastaǧan jön. Jobalauşylar qūrylystyŋ barlyq kezeŋıne qatysady dep ümıttenemın jäne tiıstı tehnologiia men mamandar tartylady dep oilaimyn. Täjıribe körsetkendei, qūrylys toqtap qalmas üşın säuletşıler men qūrylysşylardyŋ ūdaiy ärı jedel özara ıs-qimyly qajet kerek. Mūndai jobany ıske asyru – elımız üşın zor jauapkerşılık, sebebı bız keletın ekı million adamdy qabyldap qana qoimai, qūrylysta joǧary tehnologiianyŋ qoldanyluyn körsetetın bolamyz. Körme keşenı qalanyŋ tanymaldyǧyn arttyrady. Keiın onyŋ qala tūrǧyndary men elorda qonaqtarynyŋ demalyp, köŋıl köteretın süiıktı ornyna ainaluy da maŋyzdy, – dedı Nūrsūltan Nazarbaev.