Ortalyq kommunikasiialar qyzmetınıŋ kezektı brifingıne «Samūryq-Qazyna» Ūlttyq äl-auqat qorynyŋ basqarma töraǧasy Ömırzaq Şökeev qatysyp, qordyŋ byltyrǧy jyldyŋ jūmys qorytyndysy men aldaǧy josparlary jönınde söz qozǧady.
«Samūryq-Qazyna» ūlttyq äl-auqat qory – elımızdıŋ strategiialyq maŋyzy bar aktivterı şoǧyrlanǧan ırı kompaniia ekenın atap ötken Ömırzaq Estaiūly ondaǧy jaǧdaiǧa az-kem toqtaldy.
Bügınde qordyŋ aktivterı 14 trln 543 mlrd teŋgenı qūraidy eken. Mūnda 342 904 qyzmetker jūmys ısteidı. Byltyr kompaniianyŋ taza tabysy 641,2 mlrd teŋgege şyqqan. Soǧan qaramastan özderınıŋ jūmys qarqynyn anyqtau üşın halyqaralyq «MakKinzi» kompaniiasymen bırlesıp, älemdık täjıribege sai taldau jasaǧan «Samūryq-Qazyna» aktivterınıŋ kölemı boiynşa 9-şy orynǧa tūraqtapty. Zertteuge säikes, körsetkışterı köŋılden şyqpaityn osal aktivterdı ırıkteu jūmystary jürgızılıp, ötken jyldyŋ aiaǧynda 713 aktiv pen nysannyŋ 482-sı şyǧarylypty. Jalpy beiındı emes aktivterdı qaita qūrylymdau – Elbasynyŋ tapsyrmasy. Endı aldaǧy ekı jyl ışınde 30 aktiv pen 45 nysan qaita qūrylymdaudan ötetın bolady. Basqarma töraǧasy aktivter men nysandardy şyǧaru şaralary aşyq jürgızıletının, mūndai aqparat barlyq kompaniialardyŋ saittarynda jaryq köretının atap öttı.
Ömırzaq Şökeev elımızge ırı investorlardy tartu jolynda Ūlttyq qordyŋ qolǧa alǧan jūmystaryna toqtala kele, 2014-2016 jyldary 23,2 mlrd dollar kölemındegı 18 jobany jüzege asyrylu josparlanyp otyrǧanyn jekızdı. Sonyŋ altauy biyl qolǧa alynady. Jaŋa jobalardyŋ arqasynda 8 myŋǧa juyq adam jūmyspen qamtylmaq. Jobalardyŋ ışınde kölık tehnologiiasy erekşe maŋyzǧa ie körınedı. Sondyqtan, äl-auqat qory biyl mamyr aiyna deiın «Eir Astana» men «Eir Qazaqstannan» basqa taǧy bır äue kompaniiasyn aşudy közdep otyr. Kelesı jyly jūmysyn bastaityn käsıporynnyŋ 10 jaŋa ūşaǧy aldaǧy jyly kökte qalyqtaityn bolady.
Brifingte kezınde Ūlttyq qordan qarjy alǧan ekınşı deŋgeilı bankterdıŋ bereşegın qanşalyqty qaitarǧany turaly da söz boldy. Osydan bırneşe jyl būryn daǧdarysty jaǧdaiǧa bailanysty memleket «BTA Bank», «Temırbank», «Alians Bank», «Halyq bank» jäne «Kazkommersbankke» Ūlttyq qordaǧy qarajattan 332 mlrd teŋge bölıngen edı. Endı būl qaryz qaitaryldy ma? Ömırzaq Estaiūlynyŋ aituynşa, «Halyq Bankı» AQ kapitalyna qūiylǧan qarjy tolyǧymen qaitarylǧan. Al, basqa üş bankten qaitarylǧan aqşa qazır 200 mlrd teŋgeden asqan. Endı «Qazkommersbankte» qalǧan qaryz memleketke tiesılı pakettı satqan kezde tolyqqandy qaitarylmaq.
Qymbat NŪRǦALİ
