ZAŊSYZ ÄKELINGEN KÖLIKTER ANYQTALUDA
Astanada 26 aqpan künı «Tranzit» jedel-profilaktikalyq ıs-şarasy bastaldy. Ol jönınde Astana qalasy Işkı ıster departamentı Äkımşılık polisiia basqarmasynyŋ bölımşe basşysy Rüstem Ömırbekovten bılgen edık.
– Is-şaranyŋ maqsaty qandai?
– Maqsaty – özge elderde tırkeude tūrsa da, Qazaqstan Respublikasy aumaǧyna zaŋsyz jolmen äkelıngen kölıkterdı anyqtau jäne olardy zaŋsyz paidalanudy boldyrmau. Ekı kün ışınde jol-patruldık polisiiasy qyzmetkerlerı elımızdıŋ Keden zaŋdarynyŋ būzylǧany jönındegı 13 faktını anyqtady. Būl kölıkterdıŋ Qyrǧyz Respublikasynan äkelıngenı anyqtalyp, olar uaqytşa tūraqtarǧa qaŋtaryldy. Oǧan qosa jol-kölık erejelerın būzu boiynşa 2,5 myŋnan astam oqiǧa tırkeldı.
– Osy faktılerge tolyǧyraq toqtalsaŋyz.
– Osylardyŋ ışınde 257 kölık jürgızuşı qauıpsızdık beldıgın taqpaǧandary üşın äkımşılık jauapkerşılıkke tartylsa, 200 jürgızuşınıŋ kölık jürgızıp kele jatyp, ūialy telefonmen söileskenı anyqtaldy. Jyldamdyqty asyru boiynşa 90 fakt tırkeldı. 70 jürgızuşı jaiau jürgınşılerge jol bermegen. 28 kölık qarsy betke şyǧyp ketıp, 11 kölıktıŋ iesı rölde mas küiınde ūstalǧan. Sonymen bırge şet memleketterden kelgen 20 kölık jürgızuşı köşı-qon zaŋyn būzǧany belgılı bolyp, bır jürgızuşı Qazaqstan Respublikasy şekarasy aumaǧynan şyǧaryldy.
– «Tranzit» ıs-şarasyna oralsaŋyz.
– 2 nauryzǧa deiın jüretın ıs-şaraǧa elordanyŋ jol-patruldık polisiiasynyŋ bes jüzden astam qyzmetkerı qatysuda. Sondai-aq, oǧan keden qyzmetkerlerı de tartyldy.
Amanǧali QALJANOV