Merkel Londonǧa sanksiia salmaqşy
Ūlybritaniia Euroodaqtan şyqqannan keiın odaq adamdarynyŋ būl eldegı qozǧalysyna şekteu qoiatyn bolsa, osy üşın belgılı bır tölem tölep tūruǧa mäjbür etıledı. Mūny Germaniia kanslerı Angela Merkel mälımdedı.
«Būl bır kektengennen jasalyp otyrǧan joq. Tek Britaniiaǧa bas kezınde bar basymdyqty aluǧa bolmaidy. Limittı sosyn engızse de bolady ǧoi» deidı ol.
Merkeldıŋ aituynşa, eger London Euroodaq adamdarynyŋ Britaniiada jūmysqa tūrularyn şekter bolsa, būl Berlinge onşalyqty qolaily timeidı. «Būl bolmaidy. Mūndai jaǧdaida EO-nyŋ 27 müşe-elı tyǧyryqtan şyǧudyŋ amaldaryn jabylyp qarastyrady» dedı german ükımetınıŋ basşysy.
Fransuzdardyŋ 45 paiyzy Makronnyŋ jūmysyn qoldady
Fransiianyŋ jaŋa prezidentı Emmanuel Makronnyŋ alǧaşqy üş küngı jūmysyna el tūrǧyndarynyŋ 45 paiyzy qanaǧattanarlyq degen baǧa berdı.
Sarapşylar mūnyŋ būdan būrynǧy Nikolia Sarkazi men Fransua Ollandtyŋ reitingılerınen aitarlyqtai tömen ekenın de aityp otyr. Aitalyq, 2007 jyly qyzmetke kırıskenıne apta tolǧan Sarkazige fransuzdardyŋ 59 paiyzynyŋ köŋılderı tolsa, 2012 jyly Ollandtyŋ körsetkışı 58 paiyzǧa toqtalǧan eken.
Evroparlament Siriia jönınde qarar qabyldady
Europarlament Siriiadaǧy jaǧdaiǧa bailanysty qarardy qoldady. Oǧan qatysqan 624 deputattyŋ 508-ı qūjatty qabyldau üşın dauys berdı, 98-ı qarsy şyqty, 18 adam qalys qaldy.
Qararda «Siriiadaǧy ūrys gumanitarlyq daǧdarystyŋ saldarynan Ekınşı düniejüzılık soǧystan bergı aralyqtaǧy eŋ naşar jaǧdaida» delıngen qararda. Keltırılgen statistika boiynşa, 2011 jyldan berı būl jerde 400 myŋ adam qaza tapqan. «13,5 mln astam adam tötenşe kömekke, sonyŋ ışınde medisinalyq qyzmet pen azyq-tülıkke zäru», – dep atap ötılgen qūjatta. Taǧy 6,3 mln. siriialyq üilerın tastap ketuge mäjbür bolǧan. Qararda Resei men İrandy «Siriia rejimıne yqpal etıp, azamattyq soǧysty aiaqtatuǧa äreket jasau» ūsynylady.
AQŞ-ta sailau qorytyndysy qaita qarala ma?
AQŞ-ta ötken prezident sailauynyŋ qorytyndysyna Reseidıŋ aralasu yqtimaldylyǧy mäselesı qaita köterılıp jatyr. Onda nauqan kezınde Donald Tramp ştaby men Kreml qyzmetkerlerı arasynda kelısımnıŋ boluy qanşalyqty şyndyqqa janasymdy ekenı tekserılmekşı.
Būl AQŞ prezidentı 10 mamyrda FBR basşysy Djeims Komidı qyzmetınen şyǧaryp tastauynan keiın qaita oryn aldy. Mūnyŋ aldynda AQŞ kongresı FBR-dan Tramp pen Komi kezdesuınıŋ jazbasyn tyŋdauǧa berudı talap etken bolatyn. Būǧan New York Times gazetınde AQŞ prezidentınıŋ özınıŋ ūlttyq qauıpsızdık jönındegı keŋesşısı Maikl Flinnge Reseimen bailanys töŋıregındegı küdıktı jauyp jıberuge bailanysty ötınış aitqany turaly habar jaryq köruı äser ettı. Soŋynan Tramp Flinndı qyzmetınen alyp tastady.
Al būl mäselenı tekseruşı arnaiy prokuror qyzmetıne FBR-dıŋ būrynǧy basşysy Robert Miuller taǧaiyndaldy.
«Astana-aqparat».
