Qazaqstan Prezidentı memlekettık organdardyŋ qyzmetkerlerın Memlekettık qyzmetşı künıne orai ötkızılgen konkurstaǧy jeŋısterımen qūttyqtady.
Nūrsūltan Nazarbaev memlekettık qyzmettıŋ missiiasy halyqqa adal qyzmet etu jäne elımızdıŋ ūlttyq müddesın tiımdı qorǧai bılu ekenın atap öttı.
– Memlekettık apparattyŋ üilesımdı jūmysy myqty ärı täuelsız Qazaqstandy qūruǧa septıgın tigızdı. Bügınde elımız älemnıŋ barlyq jetekşı reitingınde senımdı türde laiyqty oryndarǧa ie boluda. Ekonomikanyŋ oŋ qarqyny saqtaluda, qoǧamdyq kelısım men bırlık ornyqty qoldauǧa ie, – dedı Memleket basşysy.Elbasy memlekettık qyzmetşıler elımızdı damytuǧa zor üles qosqanyn atap ötıp, auqymdy reformalardy ıske asyruda memlekettık apparattyŋ maŋyzdy röl atqaratynyna nazar audardy.Nūrsūltan Nazarbaev Qazaqstannyŋ jahandyq bäsekege qabılettıgın arttyru tūrǧysynan memlekettık apparatty jüielı türde transformasiialau jönındegı şaralarǧa erekşe toqtaldy.
– Memlekettıŋ aşyqtyǧyn qalyptastyru jalǧasuda. Memlekettık qyzmetter körsetudıŋ bıryŋǧai provaiderı – «Azamattarǧa arnalǧan ükımet» memlekettık korporasiiasy qūryldy. Ortalyq jäne jergılıktı atqaruşy organdardyŋ jetekşılerı jyl saiyn halyq aldynda esep beredı, – dedı Qazaqstan Prezidentı.
Sonymen qatar, Elbasy memlekettık qyzmettıŋ meritokratiia jäne aşyqtyq qaǧidattaryna negızdelgen jaŋa formatyn engızudıŋ nätijelerın atap öttı.
– Qyzmetkerlerge eŋbekaqyny jūmys nätijesı boiynşa töleu, sondai-aq, bılıktılık pen käsıbi qabılettı tūraqty türde arttyru mäselesı zaŋ jüzınde bekıtıldı. Qazaqstan memlekettık basqaru salasynda Ekonomikalyq yntymaqtastyq jäne damu ūiymy elderınıŋ qaǧidattaryn engızude. Memlekettık apparattyŋ tūraqtylyǧy nyǧaidy, memlekettık qyzmettegı auys-tüiıster ekı ese qysqardy. Basqa jūmysqa auysu 18 ese, al jūmystan bosau ekı ese azaidy, – dedı Memleket basşysy.Soŋynda Qazaqstan Prezidentı memlekettık qyzmetşılerdıŋ joǧary ädep normalaryn qataŋ saqtauynyŋ maŋyzdy ekenın aitty.
– Bäsekege qabılettı memlekettık qyzmettı ornyqtyrmasaq, örkendegen Qazaqstandy qalyptastyru jönındegı basty maqsatymyzǧa da qol jetkıze almaimyz. Būl oraida memlekettık qyzmetşınıŋ abyroi-bedelın saqtau maŋyzdy. Sızder reformalardyŋ bel ortasynda jürsızder. Elımızdıŋ tabysqa jetuı men güldenuı köp jaǧdaida sızderdıŋ jemıstı jūmystaryŋyzǧa bailanysty. Sızder aldaǧy uaqytta da memleketke mültıksız qyzmet etıp, halqymyzǧa adal eŋbek etetınderıŋızge senımdımın, – dedı Elbasy.
Äŋgıme barysynda Nūrsūltan Nazarbaev kezdesuge qatysuşylardyŋ el ışınde jürgızılıp jatqan reformalar men ruhani jaŋǧyrudyŋ negızgı baǧyttaryn ıske asyru barysy turaly pıkırın bıldı.Kezdesuge Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ töraǧasy Q.Qojamjarov, Respublikalyq biudjettıŋ oryndaluyn baqylau jönındegı esep komitetı zaŋ bölımınıŋ meŋgeruşısı M.Ahmetov, Aqparat jäne kommunikasiialar ministrlıgı Memlekettık qyzmet körsetudı damytu jönındegı departamenttıŋ basqarma basşysy N.Bajaeva, Almaty qalalyq ışkı ıster departamentı jergılıktı polisiia qyzmetınıŋ basşysy J.Baikenov, Pavlodar oblysy Aqsu qalasy Evgenev auyldyq okrugınıŋ äkımı T.Beisenbaeva, Jambyl oblysy Jualy audany Kökbastau auyldyq okrugınıŋ äkımı apparatynyŋ ıs jürgızu bölımınıŋ basşysy M.Bektūrǧanov, Aqtöbe oblysy Tılderdı damytu basqarmasynyŋ bas mamany N.Bertıleuova, Pavlodar oblysy Şarbaqty audany Orlovka auyldyq okrugınıŋ äkımı İ.Galliamova, Pavlodar oblysy Pavlodar audandyq mäslihaty apparatynyŋ basşysy V.Geins, Prezident Äkımşılıgı Strategiialyq äzırlemeler jäne taldau ortalyǧy meŋgeruşısınıŋ orynbasary J.Ereeva, Prezident Äkımşılıgı Jalpy bölımınıŋ meŋgeruşısı M.Jaqypov, İnvestisiialar jäne damu ministrlıgı Kadr jūmysy departamentı direktorynyŋ orynbasary E.Qapyşev, Almaty qalasy Qarjy basqarmasynyŋ basşysy A.Qūdaibergenova qatysty.
