Joǧary Euraziialyq ekonomikalyq keŋestıŋ Qūrmettı Töraǧasy, QR Tūŋǧyş Prezidentı – Elbasy Nūrsūltan Nazarbaev EAEO elderı arasyndaǧy yntymaqtastyqty joǧary baǧalap, söz söiledı.
«Bügın Qazaqstan Respublikasy Täuelsızdıgı künı qarsaŋynda jüzdesıp otyrmyz. Jeke men üşın Tūŋǧyş Prezident retınde 30 jyldyq kezeŋnıŋ alar orny airyqşa. 30 jyl būryn uaqyt bızden jaŋa batyl şeşımderdı qabyldaudy talap ettı. Bızdıŋ memleketterımız arasynda üzılgen sauda bailanystaryn qalpyna keltıru qajet boldy, däl sol kezde 1994 jyly men Mäskeu memlekettık universitetınıŋ qabyrǧasynda EAEO qūru ideiasyn alǧaş ret ūsyndym» dedı Tūŋǧyş Prezident. Öz sözınde Elbasy geografiialyq jaǧynan jalpy tarihy men dästürlerı jaqyn elderdıŋ özara tiımdı yqpaldastyq negızınde damuy qajettıgın aitty. «Jiyrma jyl boiy barlyq memleketterdıŋ qajyrly jūmysy qajet boldy jäne qazır būl ideialardyŋ bärı jüzege asty. Bız Euraziialyq ekonomikalyq keŋestıŋ tolyqqandy integrasiialyq bırlestık retınde qalyptasu kezeŋınen öttık, ol ūlttyq ekonomikalardyŋ tūraqty damuyn qamtamasyz etetın auqymdy bıryŋǧai naryqqa ainaldy. EurAzEQ qūrylǧannan berı odaq müşelerı bır-bırıne tiımdı kömektesetın senımdı ärıptester, odaqtastar ekenın körsettı. Bügıngı taŋda COVID-19 pandemiiasynan tuyndaǧan älemdık syn-qaterler jaǧdaiynda bızge odan da köp yntymaqtastyq qajet» dedı N.Nazarbaev. Sonymen bırge, Nūrsūltan Nazarbaev bauyrlas halyq Özbekstanǧa EAEO janyndaǧy memlekettık baqylauşy märtebesı berılgenın maŋyzdy oqiǧa dep atady. «Ekınşı jaǧynan, men Armeniia men Äzerbaijan arasyndaǧy qarym-qatynas köpjyldyq kelıspeuşılıkten keiın dūrystalǧanyna şyn jürekten quanyştymyn. Menıŋ oiymşa, bız bärımız osyndai pıkırdemız. Sonymen qatar, būryn aitylǧandai, Äzerbaijan Respublikasymen de baqylauşy bolu üşın kelıssözder jürgızuge bolady dep sanaimyz. Mūnda Özbekstan täjıribesı ülgı boluy kerek, menıŋşe, Özbekstan būdan köp närse ūtty. Biyl qyrküiek aiynda EEK pen ŞYŪ arasyndaǧy özara tüsınıstık turaly memorandumǧa qol qoidyq. EAEO elderı EO-men, ŞYŪ-men yntymaqtastyǧyn odan ärı nyǧaitu maqsatynda türkı memleketterınıŋ ūiymdary qūryldy, būǧan deiın aitqanymyzdai, «Ülken Euraziia» dep atalatyn 4 jaqty ekonomikalyq forum qūrudy oilastyruǧa bolar edı» dedı N.Nazarbaev.
