Elorda äkımı Elbasyǧa biylǧy säuır aiynda Astana qalasyn damytuǧa arnalǧan keŋeste berılgen tapsyrmalardyŋ oryndaluy turaly esep berıp, qaladaǧy qūqyqtyq tärtıptı qamtamasyz etuge jäne infraqūrylymdy jaqsartuǧa qatysty atqarylyp jatqan jūmystar jönınde mälımet ūsyndy.
Nūrsūltan Nazarbaev elorda tūrǧyndary sanynyŋ artyp kele jatqanyna nazar audaryp, balabaqşa jäne mekteptermen qamtamasyz etu boiynşa şaralar qabyldau qajettıgın atap öttı.
– Tūrǧyndar sany artyp keledı. Būl rette, köşı-qon üderısın erekşe baqylauǧa alu qajet. Elordada memlekettık baǧdarlamamen tūrǧyn üi beru jüiesın jönge keltıru de maŋyzdy, – dedı Memleket basşysy.
Astana qalasynyŋ äkımı Ä.İsekeşev Qazaqstan Prezidentıne elordany damytudyŋ bırqatar ekonomikalyq indikatorlary öskenın aitty, sondai-aq qala tūrǧyndarynyŋ ömır süruınıŋ ortaşa ūzaqtyǧy 75 jasqa jetkenın atap ötıp, äleumettık sala oŋ qarqynmen damyp kele jatqanyna toqtaldy.
Ä.İsekeşev Elbasyǧa analar ölımı jäne ökpe auruy deŋgeiınıŋ tömendegenın aitty.
Sonymen bırge elorda äkımı «Taldyköl» aǧyn su jinaqtauşysy ornalasqan jerdıŋ qūnarlyǧyn qalpyna keltıru, jauyn su aǧatyn kärız jüiesın jäne jol-kölık infraqūrylymyn jetıldıru baǧytynda qabyldanǧan şaralar jönınde esep berdı.
Nūrsūltan Nazarbaev atqarylǧan şaralardyŋ nätijelerın oŋ baǧalap, elordany damytu jönındegı jūmystardy jalǧastyrudy tapsyrdy.
