KÜTKEN KEZDESUGE KEZEK KELDI
Singapurde älem jūrty köpten qūlaq türgen AQŞ jäne KHDR liderlerı arasyndaǧy sammit bastaldy.
Donald Tramp pen Kim Chen Ynnyŋ «ary tart ta berı tartpen» sozǧan küptı kezdesuı bügın taŋerteŋ jergılıktı saǧat 09:00-de (Astana uaqytymen 06:00) Sentos aralyndaǧy Capella meimanhanasynda söreden şyqty.
Ekı tarap ta qala-memleketke jeksenbı, 10 mausym künı jettı. Air China äue kompaniiasy ūşaǧymen kelgen kommunistık korei elınıŋ kösemı Changi aeroportyna qondy. Sol künı Singapurdıŋ premer-ministrı Li Sianlunmen kezdestı. Kezdesuge ekı jaqtyŋ da delegasiiasy qatysty. Al Qūrama Ştattar prezidentınıŋ ūşaǧy Singapurdegı Paiia Lebar äskeri bazasy aerodromyna taban tıredı.
AQŞ pen KHDR qarym-qatynasy tarihynda bırınşı ret jüzege asyp otyrǧan sammitte eşqandai qūjatqa qol qoiylmaidy. Aq üi qojaiynynyŋ aituynşa, kezdesu «ıstı bastap ketu» meselın ǧana şeşıp beredı. Būl bır-bırımen dürdaraz ekı eldıŋ kelıssözı äzırge auyzşa jürgızıletının körsetedı.
Atalmyş sammittı ötkızu barysyndaǧy qauıpsızdık şaralary üşın Singapur jaǧy 20 mln dollarǧa juyq qarjyny şyǧyndaǧaly otyr.
«ÜLKEN JETILIKKE» JIK TÜSTI
Kanadada 8-9 mausym künderı ötken «Ülken jetılık» jiyny AQŞ pen onyŋ qalǧan müşelerı arasyndaǧy alauyzdyqty küşeitıp jıberdı.
Kvebek provinsiiasynda bas qosqan derjavalar basşylary Vaşington pozisiiasyn qoldamaityndaryn bırden baiqatty. Sondyqtan Donald Tramp sammittıŋ qorytyndy kommiunikesıne qol qoiǧan joq. Ol būǧan jan-jaqty qarym-qatynas jasau tärtıbı būzylǧanyn, eŋ negızgısı – özı jaqynda engızgen baj salyǧynyŋ tölenbei jatqanyn negızge aldy. Sarapşylar onyŋ jiynda osy sebepten Reseidı G7 tobyna qaitadan şaqyryp aludy ūsynǧanyn aityp otyr.
Bıraq būl mälımdemenı Amerika senatorlarynyŋ bır toby aşu-yzamen qarsy aldy.
İZRAİL İRANǦA «KÖMEK» ŪSYNDY
İzrail premer-ministrı Biniamin Netaniahu İrandy qūrǧaqşylyqtan qūtqaruǧa uäde berdı. Bıraq onyŋ artynda qitūrqysy da bar eken.
Evrei elınıŋ basşysy osyǧan orai sudy paidalanu jönındegı ozyq tehnologiiany parsy tılıne audaryp, internetke saldyryp qoiatynyn jetkızdı. Būl milliondaǧan irandyqtyŋ su tapşylyǧyn jeŋıp şyǧyp, aşyǧudan aman qalularyna yqpal etedı. Ol İran bilıgı aityp otyrǧan eldıŋ 96 paiyz kölemın qamtityn qūrǧaqşylyq 50 mln adamǧa auyr apat äkeletının bıldırdı.
«İzrail İrandy ekologiialyq apattan saqtap qaludyŋ jolyn bıledı. Men bılgenımdı osy eldıŋ halqymen bölıskım keledı… Bız olarǧa aǧyn sudy qalai jasap, astyqty qalai aman saqtauǧa, söitıp otbasylaryn aşyqtyryp almauǧa bolatynyn üiretemız» dedı Netaniahu.
«İrannyŋ bilıgı «İzrailge ölım kelsın» dep ūrandatyp jatyr, – dedı ol būdan ärı. – Būǧan İzrail: «İran halqynyŋ ömırın saqtap qalaiyq» dep jauap beredı. İrannyŋ halqy jaqsy da märt. Halyq rejimge bıreulep qarsy şyqpauy kerek. Bız sızdermen bırgemız».
Osylaişa İzrail İrannyŋ halqyn bilıkke qarsy köterıluge aşyq şaqyryp otyr. Būdan keiın parsy elınıŋ basşylary İzraildı qalai jaqsy köre qoisyn?!
