Eldı eleŋ etkızgen [14 mausym]
AQŞ PEN KHDR KELISIMGE KELDI
Mausymnyŋ 12-sınde AQŞ pen KHDR liderlerınıŋ köpşılık kütken kezdesuı bolyp öttı.
Kezdesudıŋ qorytyndysy boiynşa Donald Tramp pen Kim Chen Yn Vaşingtonnyŋ Soltüstık Koreia qauıpsızdıgıne kepıl beretını, al koreiler öz kezegınde özınıŋ iadrolyq qaruyn joiyp jıberetını turaly qūjatqa qol qoidy.
Bıraq soǧan qaramastan, KHDR jaǧynyŋ qazır qarularyn bırden qūrtyp jıbere salmaityny belgılı. Mūnyŋ sammitten keiın Aq üidıŋ qojaiyny da aitty. Ol, sonymen qatar, Soltüstık Koreiaǧa taŋylyp otyrǧan sanksiianyŋ äzır alynbaitynyn mälımdedı. «Mūnyŋ bärı alǧaşqy qadam ǧana. Korei tübegındegı ekı eldı jarqyn bolaşaqqa bastaityn künder älı alda» dedı Tramp.
Būǧan qosa, kezdesu barysynda ekı liderdıŋ bır-bırlerın öz elderıne qonaqqa şaqyrǧany da belgılı boldy.
«TALİBANDAR» TALABY – TIKELEI TILDESU
Auǧanstandaǧy «Taliban» qozǧalysynyŋ kösemı Haibatulla Ahundzada AQŞ-ty beibıt kelısımdı bastauǧa şaqyrdy.
Ol osy arqyly Auǧanstanda köp jyldan berı jalǧasyp kele jatqan memleket pen qozǧalys arasyndaǧy teketıreske nükte qoiuǧa bolatynyn mälımdedı.
«Eger Amerikanyŋ resmi tūlǧalary janjaldy beibıt jolmen bıtıruge senetını ras bolsa, dereu bızben tıkelei tıldesu jürgızıletın kelıssöz üstelıne otyruǧa tiıs, – dedı «Taliban» basşysy. – Būl tarapta amerikalyq joǧary lauazymdy şeneunıkter tarapynan jıberılıp kele jatqan eŋ ülken qatelık olardyŋ barlyq uaqytta küş körsetıp, qysym jasaudyŋ ärdaiym oŋ nätije äkele bermeitının eskermei keledı».
Talibter kösemı sondai-aq «Auǧanstandy qūtqaryp qaludyŋ jalǧyz joly – AQŞ pen NATO-nyŋ operasiiasyna qatysuşy elder äskerlerın būl jerden jedel alyp ketu» ekenın aşyp aitty. «Bızge jasalǧan şeşımdı qoldau sol bolady» dedı Ahunzada. Ol auǧan halqyna zalal äkelıp otyrǧan qiratu tırlıkterın toqtatudyŋ bırden-bır joly beibıt kelısım ekenın atap öttı.
Auǧanstan prezidentı 7 mausymda Ramazan aiy aiaqtalǧannan keiın «Taliban» qozǧalysymen bırjaqty bıtımge kelu engızıletının jariialaǧan edı.
MAKEDONİIаNYŊ JAŊA ATAUY ANYQTALDY
Būrnaǧy künı Skope men Afina Makedoniia respublikasynyŋ resmi atauy qalai boluy kerektıgı jönınde kelısımge keldı.
Būl turaly Makedoniianyŋ premer-ministrı Zoran Zaev baspasöz mäslihatynda mälımdedı. «Bız tarihi kelısımge qol jetkızdık… Endı «Soltüstık Makedoniia Respublikasy» degen atau barlyq tılderge audarylady» dep atap öttı ol. Zaev sonymen bırge osyndai bırjaqty kelısımge keludıŋ eldıŋ keleşektegı damuyna da kepıldık beretının aitty.
«Osy talas mäselesın şeşe otyryp, bız ekı dostas eldıŋ arasyndaǧy qarym-qatynasty jaqsarta tüsudıŋ joldaryn da qarastyrdyq. Bızdıŋ azamattarymyz üşın ekonomikalyq jaŋalyqtar aşyp beru – endı öz qolymyzda. Bız eldı oqşaulandyrudan alyp şyǧu üşın köp jyldar boiǧy talastyŋ jaiyn ekı jaq üşın oŋtaily şeşe aldyq».
Mäsele mynada, Makedoniia atty tarihi jer Grekiiada da bar. Ondaǧy tūrǧyndar ataqty Aleksandr Makedonskiidıŋ düniege kelgen otanyn jūrttyŋ şatastyryp almauy üşın būrynǧy Iýgoslaviia qūramynan bölınıp şyqqan eldıŋ būlaişa atalmauyn talap etıp kelgen bolatyn.