Tramp Qyrym turaly ne dedı?
AQŞ prezidentı Donald Tramp G7 liderlerımen kezdesude Qyrymnyŋ Reseige tiesılı ekenın aitty.
Aq üidıŋ qojaiyny özınıŋ būl tūjyrymyn tübek tūrǧyndarynyŋ orys tılınde söileitınımen bailanystyra aitypty. BuzzFeed aqparattyq portaly mūny ekı elşılık derekközderıne süiene otyryp habarlaǧan. Portaldyŋ mälımetınşe, Tramp älgındegı oiyn Kanadanyŋ Kvebek provinsiiasyndaǧy La Malbe kurortty qalasynda G7 sammitınıŋ keşkı asy kezınde bıldırgen.
Otyrysta AQŞ prezidentı sondai-aq top liderlerınıŋ nege Ukrainany jaqtai beretınderın sūraǧan. Sosyn ol būl memlekettıŋ «älemdegı jemqorlyqqa qatty bylyqqan elderdıŋ bırı bolyp tabylatynyn» mälım etken.
Osyǧan orai, BuzzFeed Tramptyŋ būl sözderdı qaljyŋǧa salyp aitqany ne Qūrama Ştattardyŋ syrtqy baǧyty özgergenın bıldırgenı bılınbeitının atap körsetedı.
«Hat jazdym qalam alyp…»
KHDR liderı Kim Chen Yn Resei prezidentı Vladimir Putinge jeke atynan dūǧai sälem joldaǧan eken.
Ony KHDR Joǧarǧy halyq jiynynyŋ töraǧasy Kim En Nam arnaiy jetkızıp berdı. Putin öz kezegınde Kim Chen Yndy Reseige kelıp ketuge şaqyrǧanyn rastady. Resei prezidentınıŋ aituynşa, mūny basqa eşqandai halyqaralyq oqiǧalarmen selbestırmei-aq, qyrküiekte Vladivostokta ötetın Şyǧys ekonomikalyq forumy şeŋberınde jasauǧa bolady.
Resei memleketınıŋ basşysy sondai-aq Kim Chen Yn men AQŞ prezidentı Donald Tramptyŋ 12 mausym künı Singapurde ötken kezdesuınıŋ nätijesın joǧary baǧalaitynyn bıldırdı. Onyŋ sözıne qaraǧanda, osy kezdesudıŋ arqasynda Korei tübegınde beibıtşılıktı qalpyna keltırudıŋ jarqyn bolaşaǧy paida bolǧan.
NATO Türkiiany qorǧamaidy
Soltüstık alians Anadoly jerındegı el qauıpsızdıgın qamtamasyz etuge yqylasty emes.
NATO islam elderınde tek berekesızdık pen haostyŋ oryn aluyna müddelı. Türkiia prezidenttıgıne islamdyq Baqyt partiiasy atynan tüsıp jatqan kandidat Temel Karamollaoglu osylai dedı.
«NATO-nyŋ jaiyna kelsek, bız äuelden oǧan belgılı bır jaǧdailarǧa bailanysty tuǧan mäjbürlıkten kırıp qalǧanbyz» dedı ol. – Bıraq NATO tarapynan būl odaqtastyqty bırjaqty tüsınuşılıktı körıp kelemız. Alians bızdıŋ qauıpsızdıgımızge pälendei küş salmaidy. Al KSRO qūlaǧannan keiın NATO özınıŋ strategiiasyn özgerttı de, islam elderınde haos jasauǧa qarai baǧyt būryp kettı, bız mūny eşbır qabyldai almaimyz».
Onyŋ aituynşa, Türkiia İranmen, Reseimen, sondai-aq İrakpen, Siriiamen, Egipetpen jäne basqa da arab memleketterımen qarym-qatynasty damytuǧa peiıldı.
